पोखरा लेखनाथ महानगरपालिका–१७ रातोपैह्रास्थित अन्तर्राष्ट्रिय पर्वतीय सङ्ग्रहालयमा स्विस विकास सहायताका प्रवर्तक टोनी हागनद्वारा खिचिएका फोटोको प्रदर्शनी सुरु भएको छ । तीन महिनासम्म सञ्चालन हुने सो प्रदर्शनीमा नेपालको विशेष गरी हिमाली क्षेत्रसहित काठमाडौँ र पोखराको विभिन्न स्थानबाट छ दशक पहिले खिचिएका १०५ वटा फोटो रहेका छन् । काठमाडाँै विश्वविद्यालय का पूर्वउपकूलपति डा सुरेशराज शर्माले सो प्रदर्शनीको उद्घाटन गर्दै नेपालको शैक्षिक एवम् औद्योगिक विकासमा टोनी हागनको महत्वपूर्ण योगदान रहेको बताए ।
टोनी हागनका छोरी डा काट्रिन हागनले फोटोले विगतलाई जीवन्त राखेको बताउँदै प्रदर्शनीलाई सर्वसाधारणको पहँुचसम्म पु¥याउनुपर्नेमा जोड दिए । टोनी हागन फाउन्डेशनका अध्यक्ष प्रा प्रमोदकुमार झाले टोनी हागनले नेपालको ७५ जिल्लाको करिब ४० हजार किलोमिटर पैदलयात्रा सम्पन्न गरेको जानकारी दिए । नेपाल पर्वतारोहण सङ्घका अध्यक्ष आङछिरीङ शेर्पाको अध्यक्षतामा भएको सो कार्यक्रममा प्रथम उपाध्यक्ष एवम् सङ्ग्रहालय का संयोजक सान्तवीर लामाले फोटो प्रदर्शनीले सङ्ग्रहालयको गरिमालाई उच्च बनाएको बताए ।
Post a Comment