कास्कीको चापाकोट गाविस स्थित पञ्चकोशी निमाविका लागि आवश्यक पर्ने फर्निचर सहितका शैक्षिक सामाग्री खरिद गर्न बेलायमा रहेका नेपालीहरुको सोही विद्यालयका पूर्व विद्यार्थी एवं नेपाल पत्रकार महासंघका पूर्व केन्द्रीय उपसभापति गंगाधर पराजुलीको पहलमा पञ्चासे–हर्पनडाँडा समाजमा आवद्ध पदाधिकारी र सदस्यहरुले उक्त सहयोग गर्ने भएका हुन् । राससका बोर्ड सदस्य तथा गोल्डेन न्यूज दैनिकका अध्यक्ष एवं प्रधान सम्पादक समेत रहेका पराजुली केही साता अघि बेलायतको भ्रमण गरि स्वदेश फर्किएका थिए । वेलायत भ्रमणका क्रममा चापाकोट गाविस र छिमेकी गाविस भदौरेतामागी क्षेत्रका अधिकांश नेपाली रहेको पञ्चासे–हर्पनडाँडा समाजले पत्रकार पराजुलीलाई विशेष कार्यक्रमको आयोजना गरि सम्मान गर्नुका साथै समाजको वेवसाइट उद्घाटन गरेको थियो ।
बेलायत भ्रमण पूरा गरि नेपाल फर्किएका पराजुलीले आफ्नो गाउँको विद्यालयको समस्या सामाजिक सञ्जाल भाइवरमार्फत बेलायतमा रहेका साथी–भाइहरुमाझ सार्वजनिक गरेका थिए । त्यसपछि पञ्चासे–हर्पनडाँडा समाजका अध्यक्ष डम्बर काजी गुरुङ र महासचिव प्रकाश गुरुङ समेतले विद्यालयका लागि आवश्यक पर्ने रकम आफूहरुको तर्फबाट सहयोग गर्ने चाहना भएकाले संस्थामा छलफल गर्ने जानकारी गराएका थिए । त्यस लगत्तै संस्थाका सदस्यहरुको तर्फबाट बेलायती पाउण्ड १ हजार ३०१ र नेपाली रुपैयाँ ५० हजार संकलन भएको महासचिव प्रकाश गुरुङले गोल्डेन न्यूज दैनिकलाई बताए ।
समाजका अध्यक्ष र महासचिव दुवैले आप्mनै देश र आफ्नै गाउँ–ठाउँको विद्यालयको पूर्वाधार विकास तथा सुविधा विस्तारका लागि सहयोग गर्न पाउँदा सबै खुशी भएको जानकारी दिएका छन् । आफूहरुले संकलन गरि पठाएको रकम सदुपयोग हुने विश्वास समेत उनीहरुको छ ।
वेलायतबाट समाजका महासचिव प्रकाश गुरुङले दिएको जानकारी अनुसार समाजका अध्यक्ष डम्बर काजी गुरुङले २५ हजार रुपैयाँ, महासचिव प्रकाशले १०० पाउण्ड सहयोग गरेका छन् । यसैगरी संस्थाका कोषाध्यक्ष रवि गुरुङले १०० पाउण्ड, कल्चरल सेक्रेटरी खुशीमान गुरुङले १०० पाउण्ड, डा. सचिन गुरुङ १०० पाउण्ड तथा सल्लाहकार मेजर बुद्धि गुरुङले ५० पाउण्ड सहयोग गरेका छन् । सहयोग गर्ने अन्य दाताहरुमा कृष्ण घलेले २५ हजार रुपैयाँ, लालबहादुर घलेले १०० पाउण्ड, आनन्द पौडेलले १०१ पाउण्ड, यामबहादुर गुरुङ, तेजु गुरुङ, अनिता गुरुङ, देवी गुरुङ, निरबहादुर गुरुङ र कमल गुरुङले ५०/५० पाउण्ड, सुवाश गुरुङले ४० पाउण्ड, झलक गुरुङले ३५ पाउण्ड, हुमानसिंह गुरुङ र डुमबहादुर गुरुङले ३०/३० पाउण्ड, जगन गुरुङ, रामबहादुर गुरुङ र मनबहादुर गुरुङले २५/२५ पाउण्ड, कृपा गुरुङ र देउकाजी गुरुङले २०/२० पाउण्ड सहयोग गरेका छन् । यसैगरी संस्थाको तर्फबाट १०० पाउण्ड सहयोग गरिएको बताइन्छ ।
सहयोगदाताहरु मध्ये आनन्द पौडेल हर्पन, लालबहादुर र कृष्ण घले मकनपुर, मनबहादुर, रामबहादुर, कमल र निरबहादुर गुरुङ दमदमे, जगन र देउकाजी गुरुङ कुद्वीडाँडा र अन्य सबै सिधानेबाट बेलायत गएर विभिन्न स्थानमा बस्दै आएका छन् ।समाजका महासचिव प्रकाश गुरुङले समाजका सदस्यहरुसंग स्वेच्छिक रुपमा सहयोगको आग्रह गरिएको तर चेलीवेटीसंग सहयोग नमागिएको भएपनि अनिता र देवी लगायतले स्वतस्फूर्त रुपमा सहयोग गरेको भन्दै धन्यवाद प्रकट गरेका छन् । बेलायतमा संकलित सहयोग छिट्टै नेपाल पठाउने र विद्यालयका लागि आवश्यक फर्निचर एवं अन्य सामाग्री खरिद गर्नका लागि विद्यालयका पूर्व विद्यार्थी पराजुलीमार्फत प्रक्रिया अघि बढाइने भएको छ ।
यसैबीच भूकम्पबाट क्षतिग्रस्त बनेको उक्त विद्यालयको भवन निर्माण तथा अन्य कार्यका लागि विभिन्न संघ–संस्थाले समेत सहयोग गरेका छन् । लायन्स क्लव अफ पोखरा अन्नपूर्णले ४ वटा कोठा, जर्मनीको एक संस्थाले २ वटा कोठा र शान्ति नेपालले २ वटा कोठा गरि आठ वटा नयाँ कोठा निर्माण गरिदिएका छन् । पोखराका रेष्टुरेन्ट व्यवसायीका संस्था सिटी रेवानले समेत विद्यालयका लागि २५ हजार रुपैयाँ आर्थिक सहयोग गरेको संस्थाका अध्यक्ष केपी शर्मा पाध्याले जानकारी दिए ।
संस्था पञ्चासे–हर्पन डाँडा समाजले करिब २ लाख ३० हजार रुपैयाँ बढी आर्थिक सहयोग गर्ने भएको छ । गत वर्षको महाभूकम्पका कारण कास्कीका विद्यालयहरुमध्ये सबैभन्दा बढी क्षतिग्रस्त बनेको विद्यालय पञ्चकोशी निमावि हो ।
Post a Comment