पोखरा वृद्धाश्रमलाई एकलाख बढीको सहयोग

गोल्डेन न्यूज संवाददाता

पर्वत जिल्ला बाजुङ घर भई हाल पोखरा–२ मोहरियाटोलमा बस्दै आएका दुर्गा गुरुङ मिलन सहित उनका परिवारले पोखरा वृद्धाश्रममा फर्निचर, लत्ताकपडा, भोजन तथा फलफूल सहयोग गरेको छ । आफ्ना बुबा नरबहादुर गुरुङको स्मृतिमा उनकी धर्मपत्नी सावित्री गुरुङ, छोरा दुर्गा गुरुङ मिलन छोरीहरु कृष्णमाया, ओममाया, देउमाया, लक्ष्मी, विनिता, ज्योति लगायत परिवारका सदस्यहरुले करिब १ लाख ६ हजार रुपैयाँ बराबरको सामाग्री सहयोग गरेका हुन् । खाना खाने टेवल तथा बेन्च ३ सेटको कूल ६७ हजार ५ सय रुपैयाँ, करिब ३० हजार रुपैयाँ बराबरको कपडा तथा भोजनका लागि १० हजार रुपैयाँ एक कार्यक्रमका बीच पोखरा वृद्धाश्रमका अध्यक्ष वसन्त केशव पराजुलीलाई हस्तान्तरण गरिएको हो । सो अवसरमा बोल्दै मिलन फाउण्डेशनका संरक्षक एवं मिलन डिजी इन्टरनेशनलका अधयक्ष दुर्गा गुरुङ (मिलन)ले आफ्ना बुबाको स्मृतिमा वृद्धाश्रमका ज्येष्ठ नागरिकलाई पनि आफ्नै बाबाजस्तै सम्झेर सहयोग गरेको बताए । उनले आगामी दिनमा समेत सहयोग गर्दै जाने उल्लेख गरे । पोखरा वृद्धाश्रमका अध्यक्ष बसन्तकेशव पराजुलीले आफ्ना दिवगंत आफन्तको सम्झनामा वृद्ध वृद्धालाई सहयोग प्रदान गरेकोमा स्वं.नरबहादुर गुरुङका परिवारजन प्रति आभार प्रकट गरे । मलन फाउण्डेशन अध्यक्ष गंगा गुरुङले आफ्नो संस्था असहाय बालबालिका, ज्येष्ठ नागरिक तथा विभिन्न विद्यालय तथा आफ्नै गाउँ बाजुङमा सामाजिक काममा आर्थिक तथा भौतिक सामग्री सहयोगमा क्रियाशील रहेको बताए । पोखरा वृद्धाश्रममा हाल १४ जिल्लाका विभिन्न जाति समुदायका ६५ जना ज्येष्ठ नागरिक आश्रित छन् ।