गोल्डेन न्यूज संवाददाता
टेस्ट ड्राइभका नाममा मोटरसाइकल चोरी गर्ने रोशन ओझालाई ट्राफिक प्रहरीले पक्राउ गरेको छ । पोखरामा चोरी गरी भागेका ओझालाई प्रहरीले मैतीदेवीबाट पक्राउ गरेको हो । पोखराका गजेन्द्र उदासले आफू अमेरिका जाने भएपछि गत असोजमा बा६०प ७२० नम्बरको मोटरसाइकल हाम्रो बजार डटकम अनलाईनमा बिक्रीका लागि सूचना जारी गरेका थिए । सूचनाका आधारमा ओझाले गत माघ १२ मा उदासलाई फोन गरी मोटरसाइकल खरिद गर्ने भन्दै काठमाडौं बोलाएका थिए । तर उदासले पोखरामै आउन भनेपछि ओझा पोखरा पुगेका थिए । चार लाख ९० हजार रुपैयाँमा मोटरसाइकल बिक्री हुने भएपछि उदास खुसी हुँदै ओझालाई मोटरसाइकल देखाउन पोखराको शान्तिनगरस्थित जिरोकिलोमा पुगे । ओझाले मोटरसाइकल एकपटक टेस्ट ड्राइभ गर्ने भन्दै साँचो मागे । केही पर पुगेर आउँछु भनेर ओझा मोटरसाइकल लिएर गए तर नफर्किएको विगन्यूजले जनाएको छ ।
Post a Comment