गोल्डेन न्यूज संवाददाता
पोखराको बिग एफएमले दुईवटा रेडियो गेम शो ‘बेस्ट भ्यालेन्टाईन कपल र गुडलक ७३’का विजेतालाई सोमबार सँयुक्त रुपमा पुरस्कार वितरण गरेको छ । भ्यालेन्टाईन स्पेशल गेम शो सकिएको केहि समय बितेपनि बीचमा उपयुक्त समय नमिल्दा नयाँ वर्षे ईभेन्ट गुडलक ७३ को पुरस्कार वितरणकै क्रममा उत्कृष्ट जोडीहरुलाई पनि पुरस्कृत गरिएको एफएमले जनाएको छ । जसअनुसार भ्यालेन्टाईन स्पेशल गेम शो ‘प्रेमगीत बेस्ट भ्यालेन्टाईन कपल’ अन्तरगत ईच्छा कोईराला र सुशिल पहारीको जोडी सर्वोत्कृष्ट भएको थियो । सर्वोत्कृष्ट जोडीले नगद २० हजार रुपैयाँ सहित भ्यालेन्टाईन गिफ्ट ह्याम्पर प्राप्त ग¥यो । त्यस्तै अरु उत्कृष्ट ९ जोडीले नगद २ हजार सहित भ्यालेन्टाईन गिफ्ट प्राप्त गरे । सरोज थापा र शशि गुरुङ, आशिष श्रेष्ठ र सुमिना श्रेष्ठ, सुनील पुन र कल्पना मगर, लल्लु लुंगेली र मुना, शर्मिला राना र सुदिप गुरुङ, दिपा गुरुङ र अभिशेक गुरुङ, सागर गुरुङ र सरु गुरुङ, मिना र समिर, शर्मिला र सुमन गुरुङको जोडी ईभेन्टमा उत्कृष्ट जोडी भएको थियो । भ्यालेन्टाईन स्पेशल गेम शो बिग एफएममा १० दिनसम्म चलेको थियो । त्यस्तै नयाँ वर्षको अवसर पारेर बिग एफएमले गरेको ईभेन्ट ‘गुडलक ७३’का सम्पूर्ण विजेतालाई एफएमले एन्ड्रोईड मोबाईल फोन पुरस्कार स्वरुप प्रदान ग¥यो । नयाँवर्षदेखि पाँच दिनसम्म चलेको ईभेन्टमा कास्की थुमाकोडाँडाका शम्भुशरण सापकोटा, ढिकुरपोखरीका शालिकराम पौडेल, स्याङ्जा रापाकोटका ईश्वरी चापाँगाई, लमजुङका प्रबिण थापा र नदीपुरकी शुस्मा पुन विजेता बनेका थिए ।
Post a Comment