गोल्डेन न्यूज संवाददाता
हेमाजा युनाईटेड पोखरा–२९ हेमजाले आयोजना गर्न लागेको शुभकामना कप फुटबल प्रतियोगिता–२०७३ को तयारी पुरा भएको छ । युवा एकता र विकासका लागि खेलकुद भन्ने मूल नाराका साथ आयोजना गर्न लागिएको प्रतियोगिता बैशाख १ गते देखि ७ गतेसम्म गौरी शंकर खेल मैदान गैरीमा चल्ने छ ।
प्रतियोगिताका लागि सम्पूर्ण तयारी पुरा भएको छ हेमजा युनाईटेडका अध्यक्ष ईन्द्रप्रसाद त्रिपाठीले भने– प्रतियोगितामा यहाँहरुको महत्पूर्ण साथ पाउने छौ भन्ने विश्वास लिएका छौ । खेलकुदको माध्यमबाट कुलतमा फसेका साथै वेरोजगार युवा युवतीहरुलाई विकृति र विसङ्गति बाट जोगाई सहि बाटो देखाउनका लागि टेवा पु¥याउने उद्देश्यले प्रतियोगिताको आयोजना गरिएको हो । प्रतियोगिताको उद्घाटन राष्ट्रिय खेलकुद परिषदका उपाध्यक्ष लामाटेण्डी शेर्पाले गर्न कार्यक्रम रहेको आयोजकले जनाएको छ ।
प्रतियोगितामा खेलकुदको क्षेत्रमा महत्वपूर्ण योगदा पुर्याएका यस क्षेत्रका दुई जना राष्ट्रिय खेलाडिलाई सम्मान गर्ने कार्यक्रम रहेको छ। यस क्षेत्रका राष्ट्रिय फुटबल खेलाडी मनबहादुर तामाङ र हेमन्त गुरुङ रहेका छन् ।
त्यसैगरि हेमजा युनाईटेडका संस्थापक अध्यक्ष विजय केसीलाई पनि सम्मान गरिने कार्यक्रम रहेका आयोजकले जनाएको छ । प्रतियोगितामा प्रथम हुनेलाई एक लाख ११ हजार एक सय ११, दोस्रा हुनेलाई ६१ हजार एक सय ११, कप मेडल ट्रफी र प्रमाण पत्र प्रदान गरिने हेमजा युनाईटेडका सहसचिव खिमलाल तिमिल्सिनाले जानकारी दिए ।
प्रतियोगामा १४ टीमले सहभागी जनाउने अपेक्षा गरिएको छ भने टीम दर्ता शुल्क सात हजार राखिएको छ। प्रतियोगितामा एन्फामा आवद्ध क्लव र विभागीय टीम मात्रै सहभागी जनाउन पाउने व्यवस्था गरिएको आयोजकले जनाएको छ। प्रतियोगितामा १२ लाख ९३ हजार दुई सय २२ रुपैयाँ आम्दानी भई ११ लाख ८७ हजार दुई सय २२ रुपैयाँ खर्च हुने अनुमान गरिएको कोषाध्यक्ष इन्द्रबहादुर कुँवरले जानकारी दिए।
Post a Comment