गोल्डेन न्यूज संवाददाता
पोखराको बिग एफएमले हरेक नेपाली नयाँ वर्षमा गर्दै आएको ‘गुडलक नयाँवर्ष’मा यो पटक स्यालुट गोर्खा ट्रेनिङ सेन्टरले व्यावसायिक सहकार्य गरेको छ । रेडियो ईभेन्टका लागि स्यालुट गोर्खा ट्रेनिङ सेन्टरका अध्यक्ष राहुल पाण्डे र बिग एफएमका मार्केटिङ म्यानेजर कमल बरालबीच सहमती भएको हो ।
‘गुडलक ७३’ नाम दिएर यो पटक एफएमले ईभेन्ट गर्नेछ । हरेक अवसरलाई स्रोताहरुसँगै विशेष बनाउनका लागि एफएमले यस्ता खाले ईभेन्ट गर्दै आएको जनाएको छ । ‘स्रोताहरुसँ
यो रेडियो ईभेन्ट बैशाख १ गतेदेखि ५ गतेसम्म चल्नेछ । ईभेन्ट अन्तरगत हरेक दिन एफएमले एउटा प्रश्न सोध्नेछ । र, स्रोताहरुले एसएमएसमार्फत त्यसको सहि उत्तर पठाउनुपर्नेछ । सहि उत्तर पठाउने स्रोताहरुमध्येबाट एफएमले हरेक साँझ ८ बजे एक जनालाई विजेता घोषणा गर्ने कार्यक्रम सँयोजक संजोग बस्यालले जानकारी दिए । सोधिएको प्रश्नको सहि उत्तर पठाउनका लागि स्रोताहरुले बिग स्पेस दिइ एफएम फेरि स्पेस दिएर सहि उत्तर लेखि ४३२१ मा पठानुपर्नेछ । स्यालुट गोर्खा ट्रेनिङ सेन्टरले युवाहरुलाई लाहुरे ट्रेनिङ दिँदै आएको छ । यहाँबाट प्रशिक्षण लिएर थुप्रै युवाहरु ब्रिटिश लाहुरे, सिंगापुर प्रहरी, भारतीय लाहुरेमा भर्ति भैसकेका छन् ।
Post a Comment