नेपाल कृषिप्रधान मुलुक भएको र त्यसमा पनि युवाहरु कृषिमा लागेर उदाहरणीय काम गरेको उनको भनाइ रहेको थियो । स्वरोजगार संगै युवाहरुलाई समेत रोजगार प्रदान गरेको वताउँदै राजदुतले आगामी दिनमा कृषिको क्षेत्रमा आफूहरुबाट हुन सक्ने सहयोग गर्ने प्रतिवद्धता समेत ब्यक्त गरे । नेपालमै पहिलो पटक बंगुरको कृत्रिम गर्भाधानका लागि सहयोग गरी सञ्चालनमा आएको फार्ममा गुणस्तरीय र उन्नत जातको बंगुरका पाठापाठी उत्पादन गर्दै आएको र आगामी दिनमा साना किसानहरुलाइ समेत उपलब्ध गराइने सिप्रेड सामर्थका डा. राजेश चौधरीले जानकारी दिए । अत्याधुनिक ढंगबाट सञ्चालित फार्ममा हाल १९ सय बंगुर रहेका छन । फर्ममा १ सय ९० वटा माउ बंगुर बाट पाठापाठी उत्पादन हुदै आएको र वर्षमा दुई पटक पाठापाठी उत्पादन हुदै आएको र छिट्टैनै अत्याधुनिक तवरको बधस्थल समेत निर्माण गरिने फार्मका सञ्चालक छ्याम बहादुर थापा मगरले जानकारी दिए ।
Post a Comment