मदरल्याण्ड उच्च माविमा १५औं खेलकूद प्रतियोगिता

गोल्डेन न्यूज संवाददाता

मदरल्यान्ड उच्च मा. वि. मासवार पोखराले प्रत्येक वर्ष आयोजना गर्दै आएको वार्षिक खेलकुद कार्यक्रम अन्तर्गत यस वर्षको १५औंैँ वार्षिक खेलकुद कार्यक्रम सम्पन्न भएको छ । एक महिना अघिदेखि विभिन्न चरणमा संचालन गरिँदै आएको कार्यक्रममा कक्षा नर्सरीदेखि कक्षा चारसम्म स्पून रेस, मिठाई दौड, बेलुन ब्रस्ट, म्युजिकल चियर, स्किपिङ आदिजस्ता खेलहरू कक्षागत रूपमा आयोजना गरिएका थिए । कक्षा पाँचदेखि कक्षा दशसम्म निमावि र मावि गरी दुई तहमा बास्केटबल, भलिबल, टेबलटेनिस, बुद्धिचाल, विभिन्न दौड, रिले र एथ्लेटिक्स, टग अफ वार आदि जस्ता खेलहरूको आयोजना गरिएको थियो । कक्षा नर्सरीदेखि कक्षा चारसम्म सम्पूर्ण खेलहरू खुल्ला प्रतिस्पर्धाको आधारमा सञ्चालन गरिएको थियो । मार्च पासबाट उद्घाटन गरिएको समापन सत्रमा सञ्चालित मावि तहको फाइनल खेलमा भलिबलमा छात्र र छात्रा दुबैतर्फ पहेँलो सदन प्रथम भएको छ भने बास्केटबलमा छात्रातर्फ पहेँलो सदन र छात्रतर्फ निलो सदन प्रथम हुन सफल भएका थिए । खेल, सह–कार्यकलाप र पढाइलाई मनोरञ्जनपूर्ण तरिकाले एकैसाथ अगाडि बढाउनका लागि विद्याालयभित्र गठित हरियो, पहेँलो, रातो र निलो गरी चार सदनबीच अन्तर्सदनात्मक रूपमा प्रतियोगिता सम्पन्न भएको खेलकुद कार्यक्रम अन्तर्गतका विभिन्न प्रतियोगितात्म क खेल र तिनीहरूको नीतिजा अनुसार यस वर्षको उत्कृष्ट सदनको उपाधि पहेँलो सदनले जित्न सफल भएको छ । त्यसैगरी खेल खेल्दा खेलाडीहरूमा हुनुपर्ने महत्वपूर्ण पक्ष अनुशासनलाई अवधिभरि उच्च तरिकाले आत्मसात् गर्दै अनुशासन तर्फको उपाधि हरियो सदनले हात पार्न सफल भएको छ । कक्षा नर्सरीदेखि कक्षा १० सम्मका प्रायः सम्पूर्ण विद्यार्थीहरू सयभन्दा बढी खेलहरूमा सहभागी भएको कार्यक्रममा विजयी खेलाडी र सदनलाई विद्यालयका संस्थापक निर्देशक त्रिभुवन शर्मा, प्रधानाध्यापक प्रेमनारायण पोखरेल, संस्थापक तथा छात्रवास प्रमुख विष्णुप्रसाद बराल लगायतका व्यक्तित्वद्वारा पुरस्कार, प्रमाण–पत्र, मेडल र शिल्ड वितरण गरिको थियो । विद्यालयका खेलकुुद विभागीय प्रमुख गङ्गा गुरुङको संयोजकत्व मा सम्पन्न कार्यक्रममा विद्यालयका संस्थापक निर्देशक त्रिभुवन शर्माले खेलमा अनुशासन र खेलका नियमहरू खेलाडीहरूले भुल्न नहुने बताउँदै कार्यक्रमलाई मर्यादित, अनुशासित, उत्साहजनक,  र अनुशासनपूर्वक सम्पन्न गर्न सघाउने सम्पूर्ण शिक्षक, कर्मचारी तथा सहभागी सबैलाई धन्यवाद व्यक्त गरेका थिए । कार्यक्रमको सञ्चालन निमावि इन्चार्ज अजय कुँवर र विद्यालयका सहकार्यकलाप प्र्रमुख सुनिल सुवालले गरेका थिए ।