गोल्डेन न्यूज संवाददाता
जिल्ला कास्की माझठाना गाविस वडा नं ३ घुम्ले बजारका रमेश रानाभाटलाई कर्तव्य गरी मार्ने दुई जनालाई प्रहरीले प्रक्राउ गरेको छ । प्रहरीले कास्की माझठाना गाविसवडा नं ९ थुम्सीकोट बस्ने १९ वर्षको सोम बहादुर भुजेल र वडा नं ३ का १८ वर्षीय सोवित रानाभाटलाई प्रक्राउ गरेको हो । असोज २६ गते नाचगान गर्ने विषयमा सामान्य विवाद भएको निहुँमा घुम्ले बजारका ३० वर्षिय रमेश रानाभाटलाई कर्तव्य गरी हत्या भएको थियो । रानाभाटलाई अभियुक्तहरुले मृतककै घर नजिक दाउराले टाउकोमा प्रहार गरी हत्या गरेका थिए । हत्या गरि फरार भएका उनिहरुलाई प्रहरीले बुधबार पक्राउ गरी कर्तव्य ज्यान मुद्वामा अनुसन्धान भैरहेको कास्की प्रहरी प्रवक्ता गोविन्द अधिकारीले जानकारी दिए ।
हत्या गरेपछि भागेका सोम बहादुर भुजेललाई विशेष सुचनाको आधारमा तनहुँको दमौलीबाट प्रक्राउ गरेको अधिकारीले जानकारी दिए । त्यसैगरि अर्का अभियुक्त सोवित रानाभाटलाई माझठाना ३ भगवतीटारबाट पक्राउ गरिएको उनले बताए ।
Post a Comment