सरसफाई एवं शुभकामना आदान–प्रदान

सिद्धार्थ टोल विकास संस्थाको  आयोजनामा टोल सरसफाई एवं विजयादशमी, शुभ दीपावली, छठ पर्व–२०७२ को अवसरमा शुभकामना आदान–प्रदान कार्यक्रम सम्पन्न भयो । संस्थाकी अध्यक्ष गोमा कोइराला सुवेदीको अध्यक्षमा भएको कार्यक्रममा संस्थाका वरिष्ठ सल्लाहकार मदन काजी श्रेष्ठ, सल्लाहकार मुक्ति पराजुली, शम्भु प्रसाद कोइराला, ढाकामोहन पराजुली (कृष्ण पराजुली) गोपालजी मन्दिर सेवा समितिका अध्यक्ष एवं सल्लाहकार वसन्त लिगल निवर्तमान अध्यक्ष पार्वती माकाजु, कार्यक्रम संयोजक लक्ष्मी पराजुली लगायतले शुभकामना आदान–प्रदान गरेका थिए । यस्तै सिद्धार्थ चोकबाट फिर्के डिलसम्म र रामकृष्ण टोल, गोपाल जी मन्दिर बाट आफ्नो भवन टुँडाकोपाटन सम्म सरसफाइ गरिएको अध्यक्ष गोमा कोइराला सुवेदीले जानकारी दिइन । आफ्ना घर अगाडि आफैँले सफा गर्नुपर्ने सूचना प्रवाह गर्ने उद्देश्यले सरसफाइ कार्यक्रम आयोजना गरिएको उनले बताइन । कार्यक्रममा स्वागत उपाअध्यक्ष सम्झना माकाजु, कार्यक्रम संचालन सचिव सीमा कोइरालाले गरेकी थिइन् ।