गोल्डेन न्यूज संवाददाता
सराङ्गकोट साप्ताहिक पत्रिका द्वारा स्थापना गरिएको सराङ्गकोट खोज पत्रकारिता पुरस्कार २०७२ बाट पत्रकार प्रेम नेपालीलाई सम्मान गर्ने भएको छ । पुरस्कारका लागि गठन गरिएको प्रतिभा छनौट समितिको बैठकले पत्रकार नेपालीलाई सम्मान गर्न सिफारिस गरे अनुसार पत्रिकाको व्यवस्थापनले सम्मान गर्ने र्निणय गरेको हो । नेपाल पत्रकार महासंघ कास्कीका सल्लाहकार राजबहादुर गुरुङ्ग, पत्रकार माधव पनेरु र सराङ्गकोट पत्रिकाका प्रधान सम्पादक यदुनाथ बन्जराको समितिले अन्नपूर्ण पोष्टका ब्युरो प्रमुख प्रेम नेपालीलाई सम्मान गर्न सिफारिस गरे अनुसार निर्णय गरिएको प्रधानसम्पादक यदुनाथ बन्जराले जानकारी दिए । पुरस्कार रकम भने खुलाइएको छैन । पत्रकार नेपाली २०५७ साल बाट पत्रकारितामा निरन्तर कृयाशिल रहेका छन । तत्कालीन अबस्थामा पोखरेली राष्ट्रिय दैनिकबाट उनले पत्रकारीता सुरु गरेका थिए । पत्रकार नेपाली जनमत राष्ट्रिय दैनिक, गगन, पोखरापत्र कान्तिपुर दैनिक हँुदै हाल अन्नपूर्ण मिडिया नेटवर्कको पश्चिमाञ्चल ब्यरो प्रमुखमा कार्यरत छन । खोजमूलक समाचारमा रुचि राख्ने, निडर र कृयाशिल पत्रकार भएकाले नेपालीलाई सम्मान गर्न सिफारिस गरिएको प्रतिभा छनौट समितिका संयोजक राजबहादुर गुरुङ्गले बताए । नेपालीलाई शनिबार पोखरामा एक कार्यक्रमको आयोजना गरी सम्मान गरिनेछ । यसैगरी यस वर्षको सहारा खेलकुद पत्रकारिता पुरस्कार २०७२ बाट अन्नपूर्ण पोष्ट राष्ट्रिय दैनिकका पत्रकार कृष्णमणि बराललाई प्रदान गर्ने भएको छ । क्लबको १७ औं वार्षिकोत्सव एवं नवौं महाधिवेशनको अवसरमा पुरस्का वितरण गर्ने क्लबले जनाएको छ ।बराललाई नगद १० हजार रुपैयाँ, दोसल्ला र सम्मानपत्रले सम्मान गर्ने क्लवका महासचिव केशब बहादुर थापाले जानकारी दिए । बराल यस अगाडी विभिन्न पुरस्कारबाट सम्मानित भै सकेका छन् । कार्यक्रममा नयाँ जुनियर एवं सिनियर सदस्य परिचय पत्र, आजिवन सदस्य प्रमाण पत्र एवं सहारा क्लब पोखराको प्रगति र उन्नतिमा महत्वपूर्ण योगदन पु¥याएको सल्लाहकार प्रकाश शेरचनलाई मानार्थ सदस्यताको प्रमाण वितरण गरिने कार्यक्रम रहेको क्लवले जानकारी दिएको छ । सहारा उत्कृष्ट सदस्य पुरस्कार २०७२ बाट क्लबका सदस्य रेश्मा कार्कीलाई सम्मान गरिने जनाएको छ ।
Post a Comment