युनिभर्स बोर्डिङ स्कूलमा हिज्जे

कास्कीको लेखनाथ १३ जनचौतारास्थित युनिभर्स इङ्लिस बोर्डिङ स्कुलमा माध्यमिक तहस्तरीय नेपाली हिज्जे प्रतियोगिता सम्पन्न भएको छ । विद्यालयका प्रिन्सिपल हरिप्रसाद धमलाको अध्यक्षतामा सम्पन्न सो कार्यक्रममा माध्यमिक तहको कक्षा नौ र दशका कुल २० जना छात्रछात्राले सहभागिता जनाएका थिए । परिवर्तित नयाँ वर्णविन्यासमा आधारित उक्त प्रतियोगितामा कक्षा १० का विवस गुरुङले प्रथम स्थान हासिल गरे भने कक्षा १० कै विदुर अधिकारी, सुलभ थापा र पुकार सुवेदीले क्रमशः द्वितीय, तृतीय र सान्त्वना पुरस्कार हात पारे ।