गोल्डेन न्यूज संवाददाता
विकासका लागि युवा भन्ने उद्देश्यका साथ पर्यटकीय गाउ कास्कीको धम्पुसमा चौथो हरितालीका तीज मेला साथमा विविध सांस्कृतिक कार्यक्रम हुने भएको छ । भाद्र २९, ३० र ३१ गते धम्पुस ७ सत्ले नयाँ गाँउमा हुन लागेको मेलालाई स्थानीय श्री हिमशिखर युवा क्लब धम्पुसले आयोजना गरेको हो । धम्पुसको कला, संस्कृतिको जर्गेन मेला आयोजना गर्न लागेको क्लबका अध्यक्ष कुमार गुरुङले बताए । मेलामा तीज गीत प्रतियोगिता, नृत्य प्रतियोगिता, पुरुष भलिबल प्रतियोगिता, रस्सा कस्सी प्रतियोगिता साथमा स्थानीय तथा राष्ट्रिय कलाकारहरुको विशेष प्रस्तुति रहने क्लबका सचिव शुरेस सुनारले जानकारी दिए । तीन दिने मेलालाई भव्यताका साथ सफल पार्न क्लबले स्थानीय संघ संस्थालाई सहयोगको आग्रह गरेको छ । यसअघि पनि क्लबले आफ्नो वार्षिक उत्सवको अवसरमा तीज मेला आयोजना गर्दै आएको थियो ।
Post a Comment