गोल्डेन न्यूज संवाददाता
नेपाल रेडक्रस सोसाइटी कास्की शाखा ५० वर्ष पुरा गरेको अवसरमा आयोजित स्वर्ण जयन्ती कार्यक्रमको समापन आगामी भाद्र १९ गते गर्दै छ । मानवताका लागि सेवा भन्ने मूल नाराका साथ शाखाले एक वर्ष भरि विभिन्न कार्यक्रम गरि स्वर्ण जयन्ती वर्ष मनाइरहेको छ । कार्यक्रमको समापन नेपाल रेडक्रस सोसाइटीका केन्द्रिय अध्यक्ष संजीव थापाले गर्ने कार्यक्रम छ । मूल कार्यक्रमको तयारी तीव्र पारिएको शाखाका मन्त्री कृष्ण तिमिल्सिनाले जानकारी दिए । सो अवसरमा भाद्र १० गते पोखरा–४ उपशाखाको आयोजनामा गैह्रापाटनमा विहान रक्तदान कार्यक्रमको आयोजना गरिएको छ । यसैगरी भाद्र १७ गते राखी उपशाखाले लेखनाथको कालिक ाचोकमा विहान र पोखरा–१०, ११ ले भाद्र १८ गते विहान अमरसिंहचोकमा रक्तदान कार्यक्रमको आयोजना गरिएको कास्की शाखाले जनाएको छ । यसैगरी भाद्र १६ गते पत्रकार महासंघ कास्की र रेडक्रस कास्कीबीच मैत्रीपूर्ण खेल पोखरा रंगशालामा हुने छ । भाद्र १७ गते पत्रकार सम्मेलन र भाद्र १९ गते मूल कार्यक्रम गरिने नेपाल रेडक्रस सोसाइटी कास्की शाखाका सभापति वामदेव ढुङ्गानाले जानकारी दिए । सोहिदिन विहान मानवअधिकार चोकबाट प्रभातफेरि आयोजना गरिएको र कास्की शाखाको कार्यालयमा पुगेर समापन हुने शाखाका उपसभापति डोलराज पाण्डेले जानकारी दिए । कास्की शाखाको स्थापना वि.स. २०२२ साल भाद्र १९ गते भएको हो ।
Post a Comment