गोल्डेन न्यूज संवाददाता
इनरह्वील क्लब अफ न्यूरोड पोखराको तेश्रो पदस्थापना कार्यक्रम हालै सम्पन्न भएको छ । क्लबको आगामी कार्यकालको अध्यक्ष पदमा गंगा पौडेलले चयन भएका छन् । कार्यक्रमका प्रमुख अतिथि डिष्ट्रिक्ट चियर पर्सन कमल प्रभा खरेलले यो वर्ष भएका कार्यक्रम असाध्यै महत्वपूर्ण र फलदायी भएको बताए । उनले एकै वर्षमा ३९ वटा कार्यक्रम गरेर क्लबको हैसियत बढाएकोमा अध्यक्ष लगायत सबै सदस्यहरुलाई धन्यवाद ज्ञापन गरे । इनरह्वील क्लब महिलाहरुको मात्र भएपनि भूकम्प पछिका राहातका कार्यक्रम हेर्दा पुरुष जान नसकेको विकट ठाउँमा पुगेर गरेको कार्यक्रमलाई उनले खुलेर प्रशंसा गरे । कार्यक्रममा जिल्ला शिक्षा अधिकारी अम्बिका प्रसाद आचार्य, रोटरी क्लब अफ न्यूरोड पोखराका संस्थापक तथा गण्डकी बोर्डिङ स्कुलका प्रचार्य रवि बराल, लायन्स क्लब अफ सेति गण्डकीका पुर्व अध्यक्ष दुर्गा ढकाल लगायतले बोलेका थिए । कार्यक्रममा अध्यक्ष उर्मिला श्रेष्ठले यो वर्षका काममा सहयोग गर्ने सबैलाई धन्यवाद ज्ञापन गर्दै आफ्ना श्रीमान भेकेन्द्र कुमार श्रेष्ठ, छोरी कृति श्रेष्ठको माया र क्लबका सबै साथीहरुको साथले नै यो वर्ष सोचे अनुसारका काम गर्न सकेको स्वीकार गरिन् । कार्यक्रम संयोजक बिमला पियाले स्वागत गरेको कार्यक्रमको संचालन दुर्गा शर्माले गरेकी थिइन ।
Post a Comment