गोल्डेन न्यूज संवाददाता
वातावरण संरक्षणका लागि वृक्षरोपणअन्तर्गत लायन्स क्लब अफ पोखरा आँगनको संयोजनमा विजयपुर तटबन्धन क्षेत्रमा बृक्षरोपण गरिएको छ । लायन्स वर्ष आरम्भको सन्दर्भमा सो वृक्षरोपण कार्यक्रममा लायन्स क्लब अफ पोखरा संगम, लायन्स क्लब आदर्श नेपाल, पिस भ्याली र फिस्टेल क्लबको संयुक्त तत्वावधानमा गरिएको वृक्षरोष्ण विभिन्न जातका ३ सय बढी विरुवाहरु रोपिएको थियो । वृक्षरोपणको सुरुवात गर्दै पूर्व डिष्टिूक गभर्नर प्रेमबहादुर श्रेष्ठले रोपिएको बिरुवा संरक्षण लायन्सकर्मीहरु लाग्नुपर्ने खर्चभन्दा सेवाभावको भावनाले सामाजिक क्रियाकलापमा लाग्नुपर्ने बताए ।लायन्स क्लब अफ आँगनका अध्यक्ष चिन्तामणि बास्तोलाको अध्यक्षतामा भएको कार्यक्रममा लायन्स क्लब फिस्टेलका अध्यक्ष बाबुराम गिरी, लायन्स क्लब अफ पोखरा आदर्श लामाचौरका अध्यक्ष नवीन भण्डारी, पूर्वअध्यक्ष श्यामकृष्ण श्रेष्ठ, कार्यक्रम संयोजक रामकुमारी गुरुङ, विजयपुर तटबन्धन निर्माण समितिका अध्यक्ष हरिबहादुर बराल, सचिव मचाराजा महर्जन लगायतले लायन्सकर्मीहरु एक भई सामाजिक भावनामा लाग्नुपर्ने धारणा राखेका थिए । वृक्षरोपण गरिएको बिरुवा रेखदेख संरक्षण तटबन्धनको संरक्षणका लागि थप कार्यक्रम गरिने अध्यक्ष बास्तोलाले बताए ।
Post a Comment