गोर्खाली ग्रुपमा उदघोषण तालिम

पोखराको बुद्धचोकमा रहेको गोर्खाली समूदायद्धारा संचालित द गोर्खाज बचत तथा ऋण सहकारी संस्था र सामूदायिक गोर्खाली रेडियोको सहकार्यमा मंगलबारदेखि सूरु भएको पाँच दिने उदघोषण तालिम शनिबार सम्पन्न भएको छ । द गोर्खाज बचत तथा ऋण सहकारी संस्थाका शेयर सदस्यहरु र कर्मचारीहरुलाई आफ्नो क्षमता अभिवृदि गर्ने उद्देश्यले आयोजना गरिएको तालिममा करिब ४० जनाको सहभागिता रहेको थियो । तालिमको समापन गर्दै सहकारी संस्थाका अध्यक्ष क्या.इन्द्र बहादुर गुरुङले यस्ता खालका तालिमले सहकारी संस्थाका शेयर सदस्यहरु र कर्मचारीहरुलाई अझै अगाडि बढ्न हौसला प्रदान गरेको र छोटो अवधिमा धेरै कुरा सिकेको बताए । तालिममा संचारकर्मी तथा सामूदायिक गोर्खाली रेडियोका अध्यक्ष शान्ति गुरुङ, संचारकर्मी तथा सौन्दर्यकर्मी मीना गुरुङ, संचारकर्मी खिमा गुरुङ, सिनियर प्राविधिक तथा संचारकर्मी ओम जी.मगरले सहजीकरण गर्नुभएको थियो । तालिम अवधिभर सिकेका कुरालाई आत्मसात गर्दै अगाडि बढ्ने संस्थाका सचिव वीर बहादुर गुरुङले बताएका थिए ।