गोल्डेन न्यूज संवाददाता
पोखरा उपमहानगरपालिका वडा नं १५ मा रहेका सम्पूर्ण आमा समूह हरुको भेलाले महिला समन्वय समिति गठन गरेको छ । टोल विकास समन्वय संस्था वडा समन्वय समितिका अध्यक्ष प्रकाश पौडेलको अध्यक्षतामा आईतबार भएको भेलाले सो समिति गठन गरेको हो । समितिको अध्यक्षमा पार्वती कार्की, उपाध्यक्षमा प्रेमकुमारी गुरुंङ्ग, सचिवमा कल्पना थापा, सहसचिवमा जानुका कार्की, कोषाध्यक्षमा मिना भण्डारी र सबै आमा समूहका अध्यक्षहरु पदेन सदस्य रहने जनाईएको छ । समितिको कार्यकाल दुई वर्षको रहने भएको छ । सो अवसरमा बोल्दै प्रमुख अतिथि तथा नगर महिला समन्वय समिति पोखराका अध्यक्ष पवित्रा गुरुङ्गले महिलाहरुलाई शशक्तिकरण गर्ने र समाजमा जनचेतना जगाउनका लागि समितिले महत्वपूर्ण भूमिका खेल्ने विश्वास व्यक्त गरे । यस्तै नवनिर्वाचित अध्यक्ष पावर्ती कार्कीले सबै आमा समूहको सहयोग लिएर महिलाहरुको विकास गर्ने प्रतिवद्धता व्यक्त गरे । कार्यक्रममा विशेष अतिथि वडा कार्यालय १५ का सचिव सोमनाथ लम्साल, समाजसेवी मिना भण्डारी, खेम कुमारी बराल लगायतले शुभकामना मन्तव्य व्यक्त गरेका थिए ।
Post a Comment