गोल्डेन न्यूज संवाददाता
पोखराको सभागृचोकमा चारवटा सवारीसाधन एकआपसमा ठोक्किँदा दुई जना घाईते भएका छन् । बुधबार बिहान ग१ख ३८३८ नम्बरको बस र लु१च ४३१८ नम्बरको भ्यान ठोक्किएपछि सँगै एउटा मोटरसाईकल र अर्को स्कुटर पनि ठोक्किएका हुन् । दुर्घटनामा परी ग९प ७७४३ नम्बरको मोटरसाईकल चालक प्रेम कुमार श्रेष्ठ र बा६८प २६४२ नम्बरको स्कुटर चालक सन्तोष गुरुङ्ग घाईते भएका छन् । उनीहरु दुवैजनाको गण्डकी मेडिकल कलेज नयाँबजारमा उपचार भैरहेको जिल्ला ट्राफिक प्रहरी कार्यालय कास्कीले जनाएको छ । सुरुमा बस र भ्यान ठोक्किए पछि सँगै गुडिरहेका मोटरसाईकल र स्कुटर पनि ठोक्किएको प्रहरीले बताएको छ । दुर्घटनामा परेका चारैवटा सवारी साधन तथा बस र भ्यान चालकलाई प्रहरीले नियन्त्रणमा लिएको छ ।
Post a Comment