जिरो किमिदेखि हल्लनचोकसम्म सफाइ

एउटै पृथ्वी, सातअरबको सपना, दिगो उपयोग हाम्रो चाहना भन्ने मूल नाराका साथ ४३ औं विश्व वातावरण दिवसको अवसरमा फेवा मार्ग हरियाली प्रवद्र्धन समिति पोखराले वृक्षारोपण तथा गोडमेल कार्यक्रम सम्पन्न गरेको छ । पोखराको जिरो कि.मि.देखि हल्लनचोकसम्म फेवामार्ग हरियाली प्रवद्र्धन समितिद्वारा गत वर्ष सडकका दायाँबायाँ लगाईएका विभिन्न जातका विरुवाहरु गोडमेल तथा नयाँ विरुवा रोपण र ट्रिगार्ड नभएका ठाउँहरुमा समेत नयाँ ट्रिगार्ड राख्ने कार्य गरिएको थियो । उक्त कार्यक्रम पोखरा उपमहानगरपालिकाका प्रशासन विभाग प्रमुख अनन्त प्रसाद कोइराला तथा जिल्ला बन कार्यालयका सहायक बन अधिकृत माधव प्रसाद बरालले संयुक्त रुपमा वृक्षारोपण गरी शुभारम्भ गरेका थिए । कार्यक्रममा पोउमनपाका प्रशासन विभाग प्रमुख अनन्त प्रसाद कोइरालाले आफ्ना घरअगाडिका विरुवाहरु आफैले संरक्षण गरी हुर्काउनु पर्नेमा जोड दिए । जिल्ला वन कार्यालयका सहायक वन अधिकृत माधव प्रसाद बरालले विरुवा रोप्नुभन्दा पनि हुर्काउनु महत्वपूर्ण रहेकोमा यस संस्थाले नियमित स्याहार सुसारमा ध्यान दिएकोमा प्रसंसा गरे ।  कार्यक्रममा नमूना आदर्श आमा समूह, मासबार आमा समूह, जरेवर उज्जल दिदीबहिनी समूह, पोखरा पिस क्लव, नुवारथोक टोल विकास संस्था, शान्तिनगर टोलविकास संस्था, नेरेसो पोखरा ७ उपशाखा, नन्दकिशोर टोल विकास संस्था, जरेवर टोल विकास संस्था लगायत स्थानीय बासिन्दाहरुको रुपमा सहभागिता रहेको थियो । कार्यक्रम समितिका अध्यक्ष उज्वल खत्रीको अध्यक्षतामा भएको थियो भने कार्यक्रमको संचालन सचिव ठाकुर प्रसाद बरालले गरे ।