गोल्डेन न्यूज संवाददाता
अन्तर्राष्ट्रिय रेडक्रस दिवसको सन्दर्भ पारेर नेपाल रेडक्रस सोसाइटी उपशाखा भलामले रक्तदान कार्यक्रम सम्पन्न गरेको छ । सो अवसरमा ४६ युनिट रगत जम्मा भएको थियो । प्रमुख अतिथि नेरेसो जिल्ला शाखा कास्कीका सभापति बामदेव ढुङ्गानाले पहिलो रक्तदाता माधव आचार्यलाई ब्लड ब्याग हस्तान्तरण गरी कार्यक्रमको शुभारम्भ गरेका थिए । कार्यक्रममा बैशाख १२ र २९ गते गएको महाभुकम्प पीडितको राहतको लागि नेरेसो भलाम उपशाखाले ३१ हजार २ सय १ रुपैयाँ रेडक्रस जिल्ला सभापति बामदेव ढुङ्गानालाई हस्तान्तरण गरेको सूर्य बाँस्तोलाले जानकारी दिए । नेपाल रेडक्रस सोसाइटी भलाम उपशाखाका सभापति फडिन्द्र शर्मा पौडेलको अध्यक्षतामा सम्पन्न कार्यक्रमको संचालन इश्वरी प्रसाद पौडेलले गरेका थिए ।
Post a Comment