गोल्डेन न्यूज संवाददाता
कसमस कप अन्तरविद्यालय छात्र÷छात्रा ह्याण्डवल प्रतियोगिता २०७१ यही जेठ १५ देखि १८ गतेसम्म हुने भएको छ । कास्की जिल्ला ह्याण्डवल संघको आयोजना, कास्की जिल्ला खेलकुद विकास समितिको बिशेष सहयोगमा यही चैत २१ देखि २३ गतेसम्म पोखरा रंगशालामा संचालन हुने भनिएको उक्त प्रतियोगिता प्राविधिक कारणले गर्दा जेठ १५ बाट हुने भएकोे संघले जनाएको छ । संघ कास्कीका अध्यक्ष शेरबहादुर गुरुङले भने–“हामीले पूर्व घोषित मितिमा प्राविधिक कारणले गर्दा उक्त प्रतियोगिता गर्न सकेनौं तर जेठ १५ गर्ने नै छौं ।” प्रतियोगितामा विजेताले १० हजार, उपविजेताले ५ हजार तेश्रो हुनेले ३ हजार, सर्वाधिक गोल कर्ता तथा उत्कृष्ट खेलाडीले एक÷एक हजार साथमा कप तथा प्रमाण पत्र र अनुसासित टीमले ट्रफी प्राप्त गर्ने भएको गुरुङले बताए । प्रतियोगिताको कसमस ईन्टरनेश्नल कजेलले मुख्य प्रायोजन गरेको छ । विगत १२ बर्षदेखि क्याम्ब्रिज ए लेभलको शिक्षा संचालन गर्दै आएको पोखरामा रहेको कसमस ईन्टरनेश्नल कलेजले उक्त प्रतियोगिता संचालनका लागि तीन बर्ष मुख्य प्रायोजनको रुपमा सम्झौता गरेको छ । सम्झौतामा उल्लेख भए अनुसार हरेक बर्ष कलेजले प्रतियोगिताको लागि हरेक बर्ष ७५ हजार दिने, दोश्रो पक्षको रुपमा रहेको संघले मुख्य प्रायोजकको रुपमा रहने र मूख्य व्यानर तथा अन्य प्रचार सामाग्रीमा समेत उल्लेख गर्नुपर्ने रहेको छ ।
Post a Comment