भूकम्प पीडितका लागि १७ करोड सहयोग

गोल्डेन न्यूज संवाददाता

नेपालमा हालै आएको महाविनाशकारी भूकम्पबाट पीडित बनेकाहरुको सहयोगार्थ वेलायतको एक राहत तथा विकास संगठन ईस्लामिक रिलिफ तथा बतास फाउण्डेशनको बीच शुक्रवार मानवीय सहयोग व्यवस्थापन सम्झौता भएको छ । साझेदारी सम्झौता अनुसार ईस्लामिक रिलिफले बतास फाउण्डेशनसँगको सहकार्यमा नेपालका भूकम्प प्रभावित जिल्लाहरुमा झन्डै १७ करोड रुपैयाँ बराबरको सहयोग गर्ने रहेको छ । उक्त साझेदारी सम्झौतामा इस्लामिक रिलिफका प्रमुख उमर हसन तथा बतास फाउण्डेसनका अध्यक्ष आनन्दराज बतासले हस्ताक्षर गरेका छन् ।  इस्लामिक रिलिफका प्रमुख  उमर हसनले बतास फाउण्डेशनसंगको समन्वयमा  रिलिफले सिन्धुपाल्चोक जिल्लाका १ हजार परिवारलाई खाद्य सामग्री राहत वितरण गरिसकेको र  केहि दिनमै ५ हजार मानिसको लागि उपर्युक्त फेमिलि साईजको त्रिपाल वितरण गर्ने र १० हजार परिवारलाई खाद्य सामग्री, त्रिपाल, टेन्ट साथै अन्य आवश्यक सामग्रीहरु वितरण गर्ने योजना रहेको जानकारी दिए । बतास फाउण्डेशनका अध्यक्ष आनन्दराज बतासले तीन हप्ताको बीचमा आएका दुई ठूला विनाशकारी भूकम्पले पु¥याएको क्षतिलाई न्युनिकरण गर्न मानवीय सहायताको जरुरत भएकोले १७ करोडको लागतमा भूकम्प प्रभावित विकट गाउँहरुमा टेन्ट, त्रिपाल तथा खाद्य सामाग्री वितरण गरिने बताए । आउँंदो वर्षात् अगावै पीडितहरुलाई सुरक्षित रहन सहयोग गर्न दूर दराजका गाउँहरुमा जहाँ आजसम्म राहत पुग्न सकेको छैन ती ठाउँमा पुगी पीडितहरुलाई राहत पु¥याइने बतासको भनाई रहेको थियो । नेपालमा यदि फेरि त्यस्तै भूकम्प गएमा विपदको परिस्थितिमा रहेका मानिसहरुलाई सहि समयमा राहत तथा उद्घार कार्य तदारुकताका साथ पु¥याउन सम्झौताले सहयोग पुग्ने   कुरामा बतासले विश्वास व्यक्त गरेका थिए । ईस्लामिक रिलिफ अन्तर्राष्ट्रिय राहत तथा विकासमा एशिया, अफ्रिका तथा मध्य पूर्वका  विश्वका ३० भन्दा बढि देशहरुमा कार्यरत रहेको छ । संस्थाले हालसम्म विश्वका ३ करोड २० लाख मानिसहरुलाई स्वास्थ्य तथा शिक्षाको क्षेत्रमा सहयोग प्रदान गरिसकेको बताईएको छ ।