गोल्डेन न्यूज संवाददाता
चापाकोट युवा सञ्जालको आयोजनामा जेष्ठको ८ र ९ गते चापाकोटको बाम्दीमा हुन लागेको कास्की जिल्ला गाउँ स्तरिय भलिबल प्रतियोगितालाई विभिन्न सहयोगीहरुले आर्थिक सहयोग प्रदान गरेका छन् ।
प्रतियोगिताका लािग विभिन्न दाताहरुबाट ३० हजार आर्थिक सहयोग प्राप्त भएको हो । हरिलाल पराजुली, शंकर पराजुली, टंक पहारी, राम राई र गोविन्द लामिछाने जनही पाँच पाँच हजार सहयोग गरे भने दिपेन्द्र पहारीले ३ हजार र बाम्दी आमा समूहले २ हजार सहयोग गरेका छन् । कास्की जिल्ला भलिवल संघको सहयोगमा हुन लागेको प्रतियोगितामा प्रथम हुने टिमले नगद २० हजार सहित शिल्ड मेडल प्रमाणपत्र पुरस्कार प्राप्त गर्ने छ भने द्वितिय हुने टिमले नगद १२ हजार सहित ट्रफि मेडल प्रमाणपत्र पुरस्कार प्राप्त गर्नेछन् । त्यसैगरि अन्य विधाका खेलाडीहरु लाई पनि छुट्टाछुट्टै आकर्षक पुरस्कार प्रदान गरिने प्रतियोगिता संयोजक रमेश हमालले जानकारी दिए । जेष्ठको ८ र ९ गते हुने सो प्रतियोगितामा विभिन्न गाविसका झण्डै १५ टिमले सहभागिता जनाउने आयोजकको अनुमान रहेको छ ।
Post a Comment