पूर्व प्रधानमन्त्री थापाको सम्झनामा शोकसभा

ामिछाने थापा क्षेत्रीका कुल गौरभ समितिका प्रमुख संरक्षक पूर्व प्रधानमन्त्री सूर्य बहादुर थापाको सम्झनामा शोकसभा गरिएको छ । लामिछाने थापा क्षेत्री कुल पूजा व्यवस्थापन समिति सराङ्गकोटको आयोजनामा भएको कार्यक्रममा नेपालको विकासमा स्वर्गीय थापाले पु¥याएको योगदानको प्रसंसा गर्दै समितिले प्रमुख संरक्षक अभिभावक गुमाउँदा ठूलो क्षति भएको धारणा राखिएको थियो । स्वर्गीय थापाको पुस्ता सराङ्गकोट बाट धनकुटामा रहेता पनि देश भरिका गर्ग गोत्रीय लामिछाने थापा क्षत्री परिवारको अभिभावकको रुपमा कुलपूजामा उपस्थिति रहेको जेष्ठ सदस्य बेल बहादुर थापाले बताए । कार्यक्रममा कुल मन्दिर निर्माणमा हालसम्म २५ लाख खर्च भएको जानकारी गराइएको थियो । जीर्ण अवस्थामा रहेको कुल मन्दिरलाई पुनर्निर्माण गरिएको निर्माण समितिका अध्यक्ष खिम बहादुर थापाले बताए । भेलाले समितिका सल्लाहकार लोक बहादुर थापा र सडक दुर्घटनामा घाइते भएका शेर बहादुर थापाको स्वास्थ्य लाभको कामना समेत गरेको छ । समितिका अध्यक्ष शेरबहादुर थापाको अध्यक्षतामा भएको कार्यक्रममा निर्माण समितिका अध्यक्ष खीमबहादुर थापा, उपाध्यक्ष रुद्र बहादुर थापा, सचिव मिन बहादुर थापा, कोषाध्यक्ष नारायण बहादुर थापा, अर्थ संयोजक बेल बहादुर थापा, बीर बहादुर थापा, भरत बहादुर थापा, कृष्ण बहादुर थापा, रामचन्द्र थापा लगायतले आ–आफ्नो धारणा राखेका थिए । सराङ्गकोट लामिछाने थापाहरुको उद्गम स्थलको रुपमा रही नेपालभरि छरिएर रहेका छन् ।