मण्टेश्वरीका दिदीबहिनीद्वारा फलफूल वितरण

पोखरा मण्टेश्वरी एण्ड मल्टिपल ट्रेनिङ सेन्टर तथा मण्टेश्वरीयन दिदीबहिनी क्लजले शनिबार पोखरा–१८ स्थित वात्स्यायन वृद्धाश्रमका ज्येष्ठ नागरिकलाई फलफूल वितरण गरेको छ । क्लवकी अध्यक्ष सानु जोजिजू नेतृत्वको टोलीले आश्रमका ज्येष्ठ नागरिक तथा सहयोगीहरु लाई फलफूल वितरण गरेको हो ।  समाजसेवी जमूना अधिकारीको प्रमुख आतिथ्यतामा सम्पन्न कार्यक्रममा पोखरा मण्टेश्वरीका प्रवन्ध निर्देशक थिरबहादुर थापाले महिलाहरुको सक्रियतामा ज्येष्ठ नागरिकलाई फलफूल वितरण गरिनु स्वागतयोग्य काम भएको बताए । त्यस अवसरमा वृद्धाश्रमका सचिव रेशम जिसीले कार्यक्रम संचालन गरेका थिए ।
यसैगरी पोखरा–१६, लामाचौरका कृतन थापाले आफ्नो १२औं जन्मदिन वात्स्यायन वृद्धाश्रममा मनाएका छन् । गण्डकी आवासीय उच्च माविको कक्षा ५ मा अध्ययनरत थापाले वृद्धाश्रममा रहेका ज्येष्ठ नागरिकलाई केक र फलफूल वितरण गरेका थिए । कृतन पोखरा मण्टेश्वरीका प्रवन्ध निर्देशक थिरबहादुर थापा तथा प्राचार्य कल्पना थापाका सुपुत्र हुन्