सहकारी दिवसमा बुद्धको सरसफाई

पोखराको बुद्धविशाल वजारमा रहेको बुद्ध वचत तथा ऋण सहकारी संस्था लिमिटेडले ५८ औँ सहकारी दिवसको उपलक्ष्यमा विहीवार वृहत सरसफाई कार्यक्रम सम्पन्न गरेको छ । सहकारीको कार्यालय विशालवजारवाट संस्थाका अध्यक्ष तथा जिल्ला सहकारी संघ कास्कीका संचालक सदस्य बलराम गौतमको नेतृत्वमा सुरु भएको सरसफाई कार्यक्रममा सहभागिहरुले वुद्धविशालवजार, महेन्द्रपुल र चिप्लेढुङ्गाको विभिन्न भागहरुको सरसफाई गरेका थिए । यसै अवसरमा सहकारीले बुद्धविशालवजार भित्रका ४ वटा सार्वजनिक शौचालयको लागि करिव १० हजार वरावरको सरसफाईका सामाग्रीहरु वुद्धविशाल वजार व्यापारिक एशोसियसनलाई हस्तान्तरण गरेको छ । अध्यक्ष बलराम गौतमले एशोसियसनका उपाध्यक्ष प्रदीपकुमार मुल्मीलाई उक्त सहयोग  प्रदान गरेका थिए ।जिल्ला सहकारी संघ लिमिटेड कास्कीले शुक्रवार प्रभातफेरी सहित ५८ औँ सहकारी दिवस मनाउँदैछ ।