बन्दका कारण धौलागिरिका तीन जिल्ला ठप्प, मुस्ताङमा भने प्रभाव परेन

२४ चैत । एनेकपा (माओवादी) सहितको ३० दलीय मोर्चाको संयुक्त आम हड्तालको पहिलो दिन आज धौलागिरिका म्याग्दी, बागलुङ र पर्वत तीन जिल्ला पूर्णरूपमा बन्द रहेका छन् भने हिमालपारिको जिल्ला मुस्ताङमा भने बन्दको कुनै प्रभाव परेको छैन ।आज बिहानैदेखि म्याग्दी, बागलुङ र पर्वतमा यातायातका साधनहरू गुडेका छैनन्, पसल, उद्योग, कलकारखाना र शैक्षिक संस्था बन्द भएका छन् भने लामो दूरीका सवारीसाधन नचल्दा यात्रु प्रभावित बनेका छन् । हिमालपारिको जिल्ला मुस्ताङमा भने यातायातका साधन पनि सञ्चालन रहेका र बन्दको कुनै प्रभाव नपरेको जनाइएको छ । रासस