क्षेत्रीय शिक्षा निर्देशकलाई स्वागत

नेपाल शिक्षक संघ कास्कीले पश्चिमाञ्चल क्षेत्रीय शिक्षा निर्देशनालयको निर्देशकका रुपमा काठमाडौँबाट सरुवा भएर पोखरा आएका बैकुण्ठ अर्याललाई बुधबार स्वागत गरेको छ । निर्देशक अर्याललाई नेपाल शिक्षक संघ कास्कीका अध्यक्ष शिरोमणि लामिछानेले अविर, मायाको चिनो, खादा तथा फूलको मालाद्वारा स्वागत गरिएको कार्यक्रममा स्वागत मन्तव्य उपाध्यक्ष विजयालक्ष्मी कोइरालाले गरेकी थिइन् भने सञ्चालन सचिव मनिराम कँडेलले गरेका थिए । कार्यक्रममा शिक्षक संघका राष्ट्रिय उपाध्यक्ष किशोरदत्त बराल, नवप्रभात माविका प्रधानाध्यापक विजयराज भण्डारी, शिवशक्ति उमाविका शम्भुराज बास्तोला र  मित्रलाल सापकोटा लगायतले बोलेका थिए । कार्यक्रम नेपाल शिक्षक संघ कास्कीका अध्यक्ष शिरोमणि लामिछानेले अध्यक्षताका भएको थियो ।