पोखरा जेसीज बर्ष २०१५ को कार्य समितिका सदस्यहरुलाई बुधवार एक दिवसीय शाखा पदाधिकारी तालिम प्रदान गरियो । तालिमको मुख्य प्रशिक्षक पोखरा जेसीज एवं नेपाल जेसीजका पूर्व अध्यक्ष सिनेटर विकलप्रसाद शेरचन थिए भने प्रशिक्षक पोखरा जेसीजका पूर्व अध्यक्ष जेसी विष्णुवहादुर थापा थिए । पोखरा जेसीजका पदाधिकारीका लागि पदीय दायित्व एवं जिम्मेवारी बोध गराउने उद्देश्यका साथ सञ्चालित उक्त तालिममा नारायण खनालले जेसीज आस्थापाठको अगुवाई, नविन थापाले स्वागत मन्तव्य राखेका थिए भने समापन समारोहमा सहभागीका तर्फबाट छवि पौडेल, पोखरा जेसीजका अध्यक्ष छवि सुवेदी, प्रमुख प्रशिक्षक सिनेटर विकल प्रसाद शेरचन, कार्यक्रम संयोजक किशन गिरी लगायतले आ–आफ्नो भनाई राखेका थिए । पोखरा जेसीजका तालिम आयुक्त मोहन थापाको सभापतित्वमा भएको उक्त तालिमको सञ्चालन पोखरा जेसीजका महासचिव शालिकराम (शितल) गिरीले गरेका थिए ।
Post a Comment