मगर लेखकमा आले

नेपाल मगर लेखक सङ्घ तनहुँको अध्यक्षमा रामबहादुर आले मगर चयन भएका छन् । सङ्घको बुधबार सम्पन्न जिल्ला समिति बैठकले अध्यक्षमा आलेलाई चयन गरेको हो । यसअघि, अध्यक्ष अनुराग थापामगर केन्द्रीय सदस्यमा निर्वाचित भएपछि सङ्घको विधान अनुसार सो पद रिक्त भएको थियो । त्यसैगरी, बैठकले जिल्ला समिति पुनर्गठन गरी उपाध्यक्षमा श्रीबहादुर थापामगर, सचिवमा विकास थापामगर, सह–सचिवमा सुजन थापामगर र कोषाध्यक्षमा प्रेमबहादुर थापामगरलाई चयन गरेको छ ।