उपाधि जितेपछि हिमालयनको सम्मान

दोस्रो खुल्ला राष्ट्रिय हयाण्डवल रनिङ शिल्डको उपाधि जित्न सफल टोलीलाई हिमालय क्लवले सम्मान गरेको छ । पश्चिम पृतनाले आयोजना गरेको प्रतियोगितामा क्लवको टोलीले उपाधि जितेको थियो । विशाल बस्नेतको कप्तानीमा रहेका टोलीलाइ उपप्रध्यापक कृष्णचन्द्र भटराई सल्लाहकार शिव शर्मा, राजेन्द्र बहादुर देवकोटा, एकल महिला समुहका अध्यक्ष दुर्गा के।सी, खेलकुद उपसमितिका सदस्य मदन बस्नेत, कोषाध्यक्ष प्रकाश थापा सचिव मोहन थापा, तारा प्रसाद तिमिल्सिना लगायतले प्रसंसा पत्र खादा र बुके सहित सम्मान गरेका थिए । क्लवका अध्यक्ष जीवनारायण श्रेष्ठको अध्यक्षतामा भएको कार्यक्रममा टिम क्यापटेन वस्नेत र प्रशिक्षक चित्र थापाले रनिङ सिल्ड क्लवाका अध्यक्ष श्रेष्ठलाइ हस्तान्तरण गरेका थिए । कार्यक्रममा अध्यक्ष श्रेष्ठले सामाजिक क्षेत्रमा मात्रा नभइ खेलकुदमा समेत क्लव अग्रणी स्थानमा रहेको बताए ।
यसैगरी पोखरा १६ बाटेलेचौरमा रहेको हिमालय क्लवले अवलोकन भ्रमणका लागी व्यवस्थापन समिति गठन गरेको छ । यहि पुुस ११ र १२ गते म्यागदीको गलेश्वर र तातोपानिको आन्तरिक भ्रमणमा जानको लागि सुमन बस्नेतको संयोजकत्वमा द्धितिय उपाध्यक्ष शुसिल बस्नेत र सचिव मोहन थापा सदस्य रहेको समिति गठन गरेको हो । क्लवले यस अघि कास्कीको ल्वाङ्घलेल र लुम्विनी भ्रमण गरेको थियो । त्यस्तै क्लवले हिमालय पुस्तकालयलाई जिल्ला शिक्षा कार्यालयमा दर्ता गराउने निर्णय गरेको छ ।