कास्की मोडनाइज्ड च्याम्पियन

नेसनल प्याब्सान कास्कीको आयोजनामा नयाँबजारस्थित पोखरा प्रदर्शनी केन्द्रमा सञ्चालित दुई दिने वृहत् शैक्षिक प्रदर्शनीमा कास्की मोर्डनाइज्ड एकेडेमी च्याम्पियन बनेको छ । ४० विद्यालयका विद्यार्थीका सृजना प्रदर्शन गरिएको समग्र प्रतियोगिता मा गोर्खा इङ्लिस बोर्डिङ स्कुल द्वितीय, द वीज्डम कास्की इङ्लिस स्कुल तृतीय र वेष्टप्वाइण्ट इङ्लिस बोर्डिङ स्कुल सान्त्वना भएका छन् । प्रदर्शनीमा विज्ञानतर्फ कास्की मोर्डनाइज्ड एकेडेमी प्रथम, गोर्खा इङ्लिस बोर्डिङ स्कुल द्वितीय, द वीज्डम कास्की इङ्लिस स्कुल तृतीय तथा रत्नज्योति उमावि सान्त्वना भएका छन् ।