लघु वित्तीय संस्थाहरूको नौ बु“दे संकल्प प्रस्ताव

गरिवी न्युनिकरणमा क्रियाशिल लघु वित्तीय संस्थाहरुको पोखरामा आयोजित दुई दिने पश्चिमाञ्चल भेला नौ वुँंदे संकल्प प्रस्ताव पारित गर्दै मंगलवार सम्पन्न भयो । भेलाद्वारा सर्वसम्मतिले पारित नौ वुँदे संकल्प प्रस्तावमा सेवाबाट वञ्चित विपन्न परिवारको सहि पहिचान गरी सामाजिक उत्तरदायित्व सुनिश्चित हुने गरी नीति निर्माणमा जोड दिने रहेका छन् । यसैगरी सेवाको गुणस्तर अभिवृद्धि गर्दै सूचना प्रविधिको उपयोग एवम् व्यवसायिक क्षमता विकास गर्ने, लघुवित्त संस्था बीचको अस्वस्थ प्रतिस्पर्दालाई निरुत्साहित गर्दै शाखा सूचना आदान–प्रदान गर्ने, सदस्यहरुलाई वित्तीय सेवाको अलवा थप कल्याणकारी सेवा सुविधामा अभिवृद्धि गरी सामाजिक जिम्मेवारी वहन गर्ने, सहकारी लघुवित्त संस्थाहरुले शहकारी मापडण्दको पुर्ण पालना गर्ने, संस्थामा कार्यरत कर्मचारीको क्षमता विकासमा जोड दिंदै उपर्युक्त सेवा सुविधाहरु प्रवाह गर्दै संस्थामा आन्तरिक शुसासन, आर्थिक पारदर्शिता कायम गर्ने समेत निर्णय भएका छन् । समापन कार्यक्रममा बोल्दै नेपाल राष्ट्रवैंक, पोखराका सहव्यवस्थापक मातृकाराज घिमिरेले लघुवित्त सेवालाई प्रवद्र्धन गर्ने उद्देश्यले राष्ट्र वैंकले नव्वेको दशकमा वैंक तथा वित्तीय संस्थामा अनिवार्य विपन्न वर्ग कर्जा लगानी गर्ने व्यवस्था गरेको बताए । वर्तमान परिवेशमा कल्याणकारी राज्यको अवधारणालाई सार्थकता दिन विपन्न, महिला तथा सिमान्तकृत वर्गले घरदैलोमा पुगी लघुवित्त संस्थाहरुले दिएको सेवा अत्यन्त सह्रानीय भएको उनले बताए ।
कार्यक्रममा लघु वित्त संघ, मिफान नेपालका राष्ट्रिय उपाध्यक्ष एवम् नेष्डो नेपालका कार्यकारी प्रमुख विश्व प्रकाश प्रसाईले लघु वित्तले विपन्न परिवारको आर्थिक उन्नतीका साथसाथै सामाजिक कल्याणकारी सेवाहरु कार्यान्वयनमा ल्याएको बताए । कार्यक्रममा सृजना विकास केन्द्रका कार्यकारी प्रमुख विरबहादुर अधिकारी, सूर्योदय लुघवित्त वित्तीय संस्थाका अध्यक्ष अनन्तमान श्रेष्ठ,  परिचित वचत तथा ऋण शहकारी संस्था, रुपन्देहीका व्यवस्थापक मेनुका थापाले लघुवित्त संस्थाहरु आन्तरिक सुशासन कायम गर्दै वञ्चितीमा परेका क्षेत्र र वर्गमा लघुवित्त सेवा विस्तारका लागि थप अभियान अगाडि बढाउनु पर्नेमा जोड दिएका थिए ।
कार्यक्रममा मुक्तिनाथ विकास वैंकका वरिष्ठ  प्रवन्धक गोविन्द रावत, नव प्रतिभा वचत तथा ऋण सहकारी संस्थाका कार्यकारी निर्देशक रामप्रसाद काफ्ले, सिवाईसी बाग्लुङ्गका उपाध्यक्ष विर वहादुर किसानले लघुवित्त क्षेत्रमा विद्यमान समस्याहरु र तीनको समाधान प्रस्तुत गरेका थिए । दुई दिने गोष्ठीमा सेन्टरका प्रवन्धक पृथ थापा, रुपबहादुर खड्का, अधिकृत वासुदेव लामिछाने र विमल खतिवडाले सहजीकरण तथा व्यवस्थापन गरेका थिए । समापन कार्यक्रम सेन्टरका प्रमुख कार्यकारी अधिकृत ज्योतिचन्द्र ओझाको अध्यक्षता, वरिष्ठ अधिकृत रामदयाल राजवंशीको स्वागत एवम् प्रवन्धक अन्नपूर्ण श्रेष्ठको संचालनमा सम्पन्न भएको थियो । गोष्ठीमा यस क्षेत्रका  १० जिल्लाबाट २ विकास बैंक, ३ गैरसरकारी लघुवित्त संस्था र २३ लघुवित्त सहकारी संस्था समेत गरी  २८ वटा लघुवित्त संस्थाहरुबाट ५७ जना प्रतिनिधिको सहभागिता रहेको थियो ।