जिल्ला शिक्षा कार्यालय कास्कीको जिपमा अपरिचत व्यक्तिले आगो लगाएर भागेका छन् । पोखराको बाग्लुङ बसपार्क नजिक गुडिरहेको जिपलाई रोकेर तीन जनाले आगो लगाएर भागेका हुन् । शिक्षा कार्यालयको बा२झ १००९ नम्बरको जिपलाई उनीहरुले रोकेर चालकलाई जिपबाट झरालेको र आगो लगाएका थिए । हेल्मेट लगाएर आएका उनीहरु आगो लगाएर भागेको प्रहरीले जानकारी दिएको छ । स्थानीय वासिन्दाको सहयोगमा जिपमा लागेको आगो नियन्त्रणा लिइएको थियो । आगलागीबाट जिपको बाहिरी भागमा खासै क्षति नभएपनि भित्र सिटहरु जलेको छ । क्षतिग्रस्त जिप जिल्ला प्रहर िकार्यालय कास्कीमा राखिएको र आगो लगाउनेहरुको खोजी भइरहेको प्रहरीले जनाएको छ । कतिपयले भने आन्दोलनको चेतावनी दिइरहेका विद्यार्थीहरुले जिपमा आगो लगाएको हुन सक्ने अनुमान गरेका छन् । विद्यार्थीहरुर्को एउटा समूहले बिहीबार जिल्ला शिक्षा कार्यालय कास्कीमा धर्ना र घराउ गरेकोमा घराउमा संलग्न एमाओवादी सम्वद्ध अखिल क्रान्तिकारीका नत्र चापागाइँलाई प्रहरीले पक्राउ गरेको विरोधमा केही विद्यार्थीहरु आक्रोशित भएका थिए । आक्रोशित विद्यार्थीहरुले शिक्षण संस्था बन्दको आह्वान समेत गरेको बताइन्छ ।
Post a Comment