कास्की क्षेत्र नं. ३ मा अनेरास्वीयु क्षेत्रीय कमिटीले संगठन विस्तार अभियान सञ्चालन गरेको छ । जसमध्ये मंगलबार भरत पोखरी, निर्मलपोखरी र कृष्ति गाविसका सामुदायिक विद्यालय तथा बुधबार नविन उच्च मा.वि., नवप्रभात मा.वि. र पार्दी उच्च मा.वि. मा संगठन विस्तार गरिएको छ । जसमा संगठन विस्तार अभियानका प्रमुख अथिति अनेरास्वीयु केन्द्रीय कमिटी सदस्य एव्म जिल्ला इन्चार्ज हरिबोल गौतमले अब बन्ने संविधानमा विद्यार्थीका मुद्धा संवोधन गरी विना धितो विद्यार्थीहरुलाई ऋण उपलब्ध गराउनु पर्ने भनाइ राखेका थिए । कार्यक्रममा क्षेत्रीय कमिटीका अध्यक्ष अनिल आचार्य, विष्णु पौडेल, रोशन भट्टराई, महेन्द्र पौडेल, प्रशान्त पोख्रेल लगायत का नेताहरुले बोलेका थिए । यसैगरी कास्कीको घान्दु्रकमा रहेको मेश्रम बराह मावि अनेरास्ववियु इकाई कमिटीको बुधबार सम्पन्न कार्यक्रमले विक्रम क्षेत्रीको अध्यक्षतमा ३५ सदस्यीय इकाई कमिटि गठन गरेको छ । संगठन विस्तार कार्यक्रम अन्तर्गत विद्यालयमा आयोजित कार्यक्रमले नेहा गुरुङलाई उपाध्यक्ष, शिव विश्वकर्मालाई सचिव र आकृति शर्मालाई कोषाध्यक्षमा चयन गरेको छ । त्यसैगरि कमिटीको सदस्यहरुमा प्रेमिका क्षेत्री, सावित्रा क्षेत्री, रोशन परियार, कमल परियार, शिवचन्द्र नेपाली, सुमन क्षेत्री, अनिस गुरुङ लगायत रहेका छन् । कार्यक्रमको उद्घाटन गर्दै अनेरास्ववियु राष्ट्रिय परिषद सदस्य तथा कास्की जिल्ला सचिव भरतमान कोने गुरुङले विद्यार्थी आन्दोलनको उपलब्धीको रक्षा गर्ने संस्था अनेरास्ववियु मात्र भएकाले यसमा गोलबद्ध हुन विद्यार्थीहरुलाई आह्वान गरे । जिल्ला सचिवालय सदस्य राजेन्द्र बसौलाले शैक्षिक क्षेत्रमा देखिएका समस्या र विकृतीलाई अन्त्य गर्न सम्पूर्ण विद्यार्थीहरु एकताबद्ध हुनुपर्ने आवश्यकता औल्याए ।
अनेरास्ववियु क्षेत्र नं. १ कास्कीका पूर्व सदस्य आदर्श पोखरेलले कार्यक्रममा शुभकामना मन्तव्य व्यक्त गरेका थिए ।
Post a Comment