कास्कीका भदौरेतमागी, सल्यान र ढिकुरपोखरीमा पाकेर भि¥याउन ठीक्क अवस्थाको धानबालीमा शनिबार मध्यरातमा परेको असिनाले क्षति पु¥याएको छ । भदौरेतमागी र सल्यान गाविसमा अधिकाशं ठाँउमा असिनाले क्षेति पु¥याएको छ भने ढिकुरपोखरीका केही स्थानमा क्षेति पुगेको बताइएको छ । भदौरेतमागी अन्र्तगत तालिबराङ क्षेत्रका खागे, कुल्धुँ, भट्टीडाँडा, कुहिलीबोट, सल्यानका गिरपती लगायतका स्थान एवं ढिकुरपोखरीका मराउँचे, पाँउदुर, काँडे, नयाँबजार लगायतका ठाउँमा असिना परेको हो । असिनाले धानबाली लगायत कोदोबाली र तरकारीका समेत क्षति पु¥याएको भदौरे स्थित बहादुरे उच्च मा.विका प्राचार्य नबिनराज पौडेलले जानकारी दिए । असिनाले ९० प्रतिशत धान झारेको पनि पौडेलले बताए ।पाकेको धान काटेर घरको भकारीमा राख्ने बेला, असिनाले झारेपछि मानो खाई मुरी उब्जाएर बर्षभरी खाउला भन्ने आशमा गत असारमा मेहनत गरी खेती गरेका त्यस क्षेत्रका किसानहरु यतिबेला निराश रहेका छन् । उनीहरुले सरकारसँग क्षतिपूर्तिको माग पनि गरेको छन् ।
Post a Comment