गणेशमानसिंह फाउण्डेसन जिल्ला कार्य समिति कास्कीको सम्पन्न बैठकले नेपालको प्रजातान्त्रिक आन्दोलनका युग पुरुष सर्वमान्य नेता गणेशमान सिंहको योगदानलाई अक्षुण राख्नको लागि उनको शतवार्षिकी कार्यक्रम विविध रचनात्मक कार्यक्रमको कार्यतालिका बनाई भव्यरुपले मनाउने निर्णय गरेको छ । फाउण्डशनका अध्यक्ष खेमराज पौडेलको अध्यक्षतामा सम्पन्न प्रथम बैठकले वर्तमान समितिलाई प्रस्ताव गर्ने सम्पूर्ण महानुभाव एवं सो प्रस्ताव स्वीकृत प्रदान गर्ने केन्द्रीय समितिलाई धन्यवाद ज्ञापन गर्नुका साथै यही कार्तिक २४ गतेबाट गणेशमान सिंहको शालिकमा माल्र्यापण र गणेशमानसिंह पार्कमा सरसफाई कार्यक्रम लगायतका बिबिध गतिबिधि गरिने भएको छ । सो कार्यक्रमहरु सम्पन्न गर्नका लागि उपाध्यक्ष सिकन्दर कुमार गुरुङको संयोजकत्वमा वीरेन्द्रनारायण विजुक्छे र अरुण गिरी रहेको ३ सदस्यीय उपसमिति गठन गरिएको कोषाध्यक्ष सुनयना पालिखेले जानकारी दिएको छ ।त्यसैगरि गणेशमानसिंह फाउण्डेसन जिल्ला कार्य समिति कास्कीको पुनर्गठन गरिएको छ । कांग्रेसका अग्रज टंकमान नापितको अध्यक्षतामा सम्पन्न भेलाले गरेको निर्णयलाई गणेशमान सिंह फाउण्डेशन केन्द्रीय समितिले हालै स्वीकृत गरि जिल्ला अध्यक्षमा कांग्रेसका पुराना नेता खेमराज पौडेल, उपाध्यक्षमा सिकन्दर कुमार गुरुङ (भोजबहादुर) सचिव मुक्तिराम अधिकारी, कोषाध्यक्ष सुनयना पालिखे, सह–सचिव गौरी सापकोटा, र सदस्यहरुमा विश्व सिग्देल, राजेन्द्रनीधि कोइराला, दुर्गा तिमिल्सिना, कृष्णकुमारी परियार, वीरेन्द्रनारायण बिजुक्छे, राजेन्द्ररमण पराजुली, शिव प्रसाद पोखेल, शेखर गुरुङ, अरुण गिरी, सञ्जय मुल्मी लाई नियुक्ति गरेको छ ।
त्यसैगरि सल्लाहकारहरुमा सभासद यज्ञबहादुर थापा, पूर्ब मेयर भोला थापा, नगर विकास समितिका पूर्व अध्यक्ष अशोक पालिखे, कांग्रेस नेता सोभियत बहादुर अधिकारी, शंकर देवकोटा, टंकमान नापित, कबि तीर्थ श्रेष्ठ, पुलेन्द्रमान श्रेष्ठ, खेमकुमारी गुरुङ,मिना पाण्डे र कानुनी सल्लाहकारमा अधिवक्ता दीपक राज पौडेललाई चयन गरिएको सदस्य शेखर गुरुङ्गले गोल्डेन न्यूज दैनिकलाई जानकारी दिए ।
Post a Comment