नेपाल सरकार वाणिज्य तथा आपूर्ति मन्त्रालय अन्तर्गतको टे«ड व्यापार तथा निकासी प्रवद्र्धन केन्द्र, टिइपीसी र जिआइजेड नेपालको संयुक्त आयोजना तथा कास्की पोखरा हस्तकला संघको संयोजनमा पोखरामा आयोजित ३ दिने बजार विश्लेषण तालिम बिहीबार सम्पन्न भएको छ । तालिम समापन कार्यक्रममा बोल्दै कार्यक्रमका टे«ड व्यापार तथा निकासी प्रवद्र्धन केन्द्रका नायव निर्देशक विमल कुमार नेपालले नेपालमा उत्पादित सामाग्रीलाई अन्तर्राष्ट्रिय बजार सम्म पु¥याउनका लागि हरेक व्यक्ति तथा उद्यमीहरुले अनलाइन व्यापारबाट थालनी गर्नुपर्ने बताए ।ालिमका प्रमुख प्रशिक्षक तथा टिइपीसीका उपनिर्देशक सुरेन्द्र गंगोलले तालिममा सिकेका कुरालाई सहभागीहरुले व्यवहारमा उतार्नु पर्नेमा जोड दिए । हस्तकला संघकी अध्यक्ष हिरा भट्टराईको अध्यक्षतामा सम्पन्न कार्यक्रममा संचारकर्मी विमला भण्डारी, नेपाल पत्रकार महासंघका केन्द्रिय सदस्य सुष्मा पौडेल, तालिममा सहभागी बुद्धि पुर्जा र संगीता गुरुङ्ग, संघकी उपाध्यक्ष रामकली खड्का, सचिव सीता गुरुङ्ग लगायतले तालिमको महत्वका बारेमा आ–आफ्नो भनाइ राखेका थिए । साउन २० गते देखि शुरु भएको तालिममा हस्तकला, फ्लोरिकल्चर, अर्गानिक कफी, लगायतका गरि २८ उद्योगी व्यवसायीको सहभागिता रहेको थियो भने टिइपीसीका उपनिर्देशक सुरेन्द्र गंगोल, वरिष्ठ अधिकृत सिद्धिचरण दाहाल र राजेन्द्र सिंहले प्रशिक्षण दिएका थिए ।
Post a Comment