लायन्स क्लब इन्टरनेशनल डिस्ट्रिक्ट ३२५ बि १ अन्तर्गत रिजन ८, जोन १७ को समिक्षात्मक तथा अवार्ड वितरण समारोह सम्पन्न भएको छ । लायन्स क्लब अफ पोखरा ग्लोबल सिटीको आयोजनामा सम्पन्न कार्यक्रममा लायन्स क्लब अफ पोखरा भद्रकाली, लायन्स क्लब अफ पोखरा युनाइटेड चौतारी, लायन्स क्लब अफ पोखरा लेकसिटीका पदाधिकारीको सहभागिता रहेको थियो ।
सो अवसरमा बर्ष २०१३(१४ मा समाजसेवामा उत्कृष्ट काम गरे वापत लायन्स क्लब अफ पोखरा लेकसिटीका सचिब लायन मदन केसीलाई उत्कृष्ट सचिबको अवार्ड दिइएको थियो । उक्त अवार्ड कार्यक्रमका प्रमुख अतिथि मल्टिपल चियर पर्सन दिपक श्रेष्ठ र जोन चियर पर्सन उत्तममान बुद्धाचार्यले प्रदान गरेका थिए ।
त्यस अपसरमा बोल्ने अधिंकाश वक्ताहरुले सामाजिक कार्यको भावनाले प्रेरित भई आगामी दिनमा अझ सामाजिक कार्यमा योगदान गर्नुपर्नेमा जोड दिए ।
कार्यक्रममा लायन्स क्लब अफ पोखरा ग्लोबल लेकसिटीका अध्यक्ष लायन प्रजन कुमार थापा, प्रमुख अतिथि दिपक श्रेष्ठ, विशेष अतिथि पिएमसिसि प्रेम बहादुर श्रेष्ठ, जोन चियर पर्सन उत्तममान बुद्धाचार्य, लायन्स क्लब अफ पोखरा भद्रकालीका चियर पर्सन दिपककान्त तिवारी, लायन्स क्लब अफ पोखरा युनाइटेड चौतारीका अध्यक्ष हिमालय बखे्रल, लायन्स क्लब अफ पोखराका इलेक्ट प्रेसिडेन्ट शिब श्रेष्ठ, रिजन चियर पर्सन बिमला श्रेष्ठ, डिस्ट्रिक्ट एडभाइजर राजेन्द्र बाटाजु, को डिस्ट्रिक्ट एडभाइजर तीर्थलाल श्रेष्ठ, पोखरा विश्वविद्यालयका पूर्व रजिष्टार तथा विश्व शान्ति स्तुपाका अध्यक्ष प्रकाशमान गुभाजु, पूर्व डिस्ट्रिक्ट गर्भनर योगेन्द्र प्रधान लगायतले बोलेका थिए । उक्त अवसरमा जोन चियर पर्सन उत्तममान बुद्धाचार्यलाई मल्टिपल चियर पर्सन दीपक श्रेष्ठले प्रमाणपत्र प्रदान गरेका थिए ।
Post a Comment