जिशिअविरुद्ध मुद्दा दायर

अख्तियार दुरूपयोग अनुसन्धान आयोगले सरकारी कोषबाट प्राप्त भएको रकम झोले विद्यालयको नाममा खर्च गरेको भन्दै सर्लाहीका तत्कालीन कामु जिल्ला शिक्षा अधिकारी सहित तीन जनाविरुद्ध आइतबार विशेष अदातमा मुद्दा दायर गरेको छ ।
आयोगले सर्लाही भाङ्सार–४ मा हुँदै नभएको विद्यालयलाई सामुदायिक प्राथमिक विद्यालयको नाममा आव २०६६÷६७ देखि २०७०÷२०७१ सम्म रु १६ लाख ८८ हजार ९७९ हिनामिना गरेको अनुसन्धानबाट खुलेको जनाएको छ ।  सो कार्यमा तत्कालीन कामु जिल्ला शिक्षा अधिकारी हेमन्तकुमार सिंह, विद्यालय व्यवस्थापन समितिका अध्यक्ष ललिता यादव र  प्रधानाध्यापक जयनारायण यादव सङ्लग्न रहेको पाइएको छ ।
उनीहरूलाई भ्रष्टाचार निवारण ऐन, २०५९ को दफा ३ बमोजिम हदैसम्मको सजायको माग दाबी गरिएको आयोगको विज्ञप्तिमा जनाइएको छ ।