नेपालमा २३ हजार एचआइभी सङ्क्रमित

पछिल्लो समय नेपालमा २२ हजार ९९४ व्यक्ति एचआइभी÷ एड्सबाट सङ्क्रमित रहेको पाइएको छ । राष्ट्रिय एड्स तथा यौनरोग नियन्त्रण महाशाखाको तथ्याङ्कअनुसार १४ हजार ५६१ पुरुष, आठ हजार ४०७ महिला तथा २६ तेस्रो लिङ्गी एड्सबाट पीडित रहेका छन् । महाशाखाका तथ्याङ्क अधिकृत डा वीरबहादुर रावलले एचआइभी÷एड्सबाट सङ्क्रमित हुनेमा आधाभन्दा बढी वैदेशिक रोजगारबाट फर्केका व्यक्ति तथा उनीहरूका श्रीमती रहेको जानकारी दिए । बढ्दो क्रममा फस्टाएको यौन व्यापार, सुइको प्रयोगबाट गरिने लागुपदार्थ सेवन तथा सङ्क्रमित आमाबाट  जन्मिएका केही बालबालिका समेत एचआइभी÷एड्सबाट सङ्क्रमित हुने गरेको डा रावलले बताए ।
सरकारले एड्सको रोकथामका लागि विभिन्न जनचेतनामूलक कार्यक्रम तथा समाजमा सङ्क्रमित भई औषधि खाने गरेका प्रभावितलाई उनीहरूको जीविकोपार्जनमा सहयोग पु¥याउन विभिन्न सीपमूलक कार्यक्रम सञ्चालन गर्दै आएको छ ।एड्सको सङ्क्रमण निको पार्न अहिलेसम्म औषधि पत्ता लागेको छैन तर यसका सङ्क्रमितलाई ‘एन्टी रेक्टो भाइरल’ नामको औषधि दिइँदै आएको छ । उक्त औषधिले सङ्क्रमित व्यक्तिको आयु लम्बाउने र अन्य रोगको सङ्क्रमणबाट बचाउने गर्दछ । महाशाखाको तथ्याङ्कअनुसार काठमाडौँ, अर्घाखाँची, कपिलवस्तु, पाल्पा, रुपन्देही, स्याङ्जालगाएतका जिल्लामा सङ्क्रमितको सङ्ख्या बढी देखिएको छ ।