वडा स्तरीय महिला समन्वय समितिको आयोजनामा शनिबार एक कार्यक्रमको आयोजना गरि वडा नं ९ का सचिव लोकदर्शन कोइराला र उनकी श्रीमती शुशिला कोइराला तथा टोल विकास संस्था वडा समन्वय समिति पोखरा ९ का अध्यक्ष उत्तम जोशीलाई सम्मान गरिएको छ ।
कार्यक्रमको उद्घाटन गर्दै प्रमुख अतिथि रेडियो सफलताकी प्रबन्धक दुर्गा अधिकारीले मानविय सेवा, महिला सशक्तिकरण तथा महिला हिंसाको विरुद्धमा उल्लेखनिय कार्य गरेकोमा सम्मानित हुनुभएकोमा हार्दिक बधाइ ज्ञापन गर्दै उहाँहरुको कार्यमा सबैले आफ्नो क्षेत्रबाट सहयोग गर्नुपर्ने वताएन् । ‘महिलालाई हिंसा होइन, सम्मान गरौं’ भन्ने नाराका साथ भएको सो कार्यक्रममा सम्मानित व्यक्तित्व लोकदर्शन कोईराला र उत्तम जोशीले आफुले पाएको सम्मानले आफुहरुलाई पहिले भन्दा वढि जिम्मेवार भएर सामाजिक कार्यमा लागि पर्ने बताए । सचिव लोक दर्शन कोइराला विगत २०४८ सालदेखि वडा नं. ९ को सचिव पदमा कार्यरत छन् भने उत्तम जोशी विभिन्न संघ संस्थामा सक्रिय भई समाजिक कार्य गर्दै आएका छन् । उनीहरुलाई प्रमुख अतिथि दुर्गा अधिकारीले मायाको चिनो, सम्मान पत्र र दोसल्लाले सम्मान गरेकी थिइन भने पत्रकार कृष्ण रानाभाटले सम्मानित व्यक्तिहरुको सामाजिक योगदानको चर्चा गर्दै व्यक्तिगत परिचय वताएका थिए । समितिकी अध्यक्ष दिलमाया गुरुङको अध्यक्षतामा भएको सो कार्यक्रममा शुभकामना मन्तव्य वडा स्तरिय महिला समन्वय उप समितिकी अध्यक्ष लक्ष्मी गिरीलगाएतले गरेका थिए । कार्यक्रम संचालन संयोजक विमला रानाभाट र स्वागत पुष्पकुमारी आचार्यले गरेकी थिईन ।
Post a Comment