बिहानी बचत तथा ऋण सहकारी संस्था लिमिटेडको तेस्रो वार्षिकोत्सव

पोखरा सभागृहस्थित बिहानी बचत तथा ऋण सहकारी संस्था लिमिटेडको तेस्रो वार्षिकोत्सवको अवसरमा दुई दिवसीय कार्यक्रम शुरु भएको छ । वार्षिकोत्सवको पहिलो दिन शनिवार पोखरामा रक्तदान कार्यक्रम आयोजना गरिएको छ। कार्यक्रममा ३९ जनाले रक्तदान गरेको कार्यक्रम संयोजक एवं कोषाध्यक्ष राजु श्रेष्ठले जानकारी दिए । नेपाल रेडक्रस सोसाईटीका केन्द्रीय सभासद् सूर्यप्रकाश ढकालले पहिलो रक्तदाता शिव गिरीलाई ब्लड व्याग हस्तान्तरण गरी कार्यक्रमको उद्घाटन गरेका थिए । कार्यक्रममा बोल्दै ढकालले यस्ता कार्यक्रमले रगतको अभावलाई कम गर्न सहयोग पुग्ने बताए। उनले पछिल्लो समय रक्तदानको महत्व बुझ्ने र बुझाउने क्रम पनि बढेको बताए । त्यस अवसरमा पत्रकार नवीन सिग्देल र नेपाल रेडक्रस सोसाईटी कास्कीका प्राविधिक महेन्द्र के.सीले बोलेका थिए । बिहानी बचत तथा ऋण सहकारी संस्था लिमिटेडका अध्यक्ष रामचन्द्र शर्माको अध्यक्षतामा सम्पन्न कार्यक्रमको संचालन सचिव किरण पोख्रेलले गरेका थिए । संस्थाले दोस्रो दिन सोमबार एसएलसी परीक्षा उत्तीर्ण गर्ने संस्थाका छोराछोरी, उत्कृष्ठ कर्मचारी, बचतकर्ता र ऋणिलाई सम्मान कार्यक्रम गर्दैछ ।