पोखरा १५ जेठ ।
एम्नेष्टी इन्टरनेशनलको ५३औं वार्षिक दिवस तथा महिला स्वास्थ्य सम्बन्धी अन्तर्राष्ट्रिय दिवसको सन्दर्भ पारेर पोखरामा मेरो शरीर मेरो अधिकार विषयक बक्तृत्वकला सम्पन्न भएको छ । एम्नेष्टी इन्टरनेशनल समूह ८२ पोखराले आयोजना गरेको क्याम्पस स्तरीय वक्तृत्वकलामा विभिन्न क्याम्पसका १२ जना विद्यार्थी सहभागी भएका थिए, जसमा मिरा अधिकारी, सकुन्तला तिवारी, मन्जु रिमाल र गीता बरालले क्रमशः प्रथम, द्वितीय, तृतीय र सान्त्वना स्थान प्राप्त गरेका थिए । कार्यक्रममा समूहका पूर्व संयोजक तथा वर्तमान सल्लाहकार देवमणि भण्डारी, संयोजक टंकराज बराल, प्रमुख अतिथि लक्ष्मी आदर्श बहुमखी क्याम्पस व्यवस्थापन समितिका अध्यक्ष बाबुराम जमरकट्टेल, समूहका सचिव हेमराज आचार्य, क्याम्पसका प्राध्यापक गुमानाथ लामिछाने लगायतले आ–आफ्नो भनाइ राखेका थिए । कार्यक्रमको सभापतित्व समूह ८२ का संयोजक मुक्तिप्रसाद ढकालले गरेका थिए ।
Post a Comment