गोल्डेन न्यूज सम्वादादता
पोखरा, १३ जेठ ।
अखिल नेपाल महिला संघ क्षेत्रीय कमिटि क्षेत्र नं. १ कास्कीको क्षेत्रीय अगुवा कार्यकर्ता भेला नेकपा एमाले क्षेत्रीय कमिटिको कार्यालय लेखनाथ (३ बुढी बजारमा नेकपा एमाले कास्की जिल्ला कमिटिका उपसचिव एवम् महिला नेतृ प्रभा कोइरालाको प्रमुख आतिथ्यतामा मंगलबार सम्पन्न भयो ।
भेलामा बोल्दै महिला नेतृ प्रभा कोइरालाले नीति र विचारमा स्पष्ट दृष्टिकोण भएको पार्टीले मात्र क्रान्तिको नेतृत्व गर्न सक्छ भन्ने चर्चा गर्दै वर्तमान समयमा नीतिगत अगुवाई असल रूपमा जनताको पहरेदार नेकपा–एमाले मात्र भएको बिचार व्यक्त गरिन् । भेलालाई नेकपा एमाले कास्की क्षेत्र नं. १ का अध्यक्ष टिकाराम पंगेनी, नेकपा एमाले जिल्ला कमिटि सदस्य चतुरे बि.क., नेकपा एमाले क्षेत्रीय सचिव बालकृष्ण गुरुङ, अनेमसंघका क्षेत्रीय सदस्य राधिका पौडेल, कौशिला अधिकारी लगायतले सम्बोधन गरेका थिए ।कार्यक्रमको अध्यक्षता अनेमसंघ क्षेत्रीय अध्यक्ष रेवती शर्माले गर्नु भएको थियो भने कार्यक्रम संचालन अनेमसंघ नेतृ सिता भण्डारीले गरेका थिईन् । भेलाले कास्की क्षेत्र नं. १ मा अनेमसंघको सदस्यता वितरण र नविकरण गर्ने र क्षेत्र नं. १ का १५ वटै गाविस र लेखनाथ नगरमा वडा कमिटि गठन गर्ने निर्णय गरेको छ ।
Post a Comment