‘राजर्षि जनक प्रतिभा पुरस्कार’ मिश्रलाई

यस वर्षको ‘राजर्षि प्रतिभा पुरस्कार’ वरिष्ठ साहित्यकार नन्दलाल मिश्रलाई प्रदान गरिने भएको छ । नेपाल राष्ट्रिय हिन्दी सम्मेलनको अवसरमा नेपालका हिन्दी साहित्यकार तथा पाँच वरिष्ठ सङ्गीतकारलाई सम्मान गरिने भएको हो । पुरस्कारको राशि १५ हजार २५ छ । यसैगरी, प्रतिष्ठानले वरिष्ठ साहित्यकार राधवेन्द्र श्रीवास्तव कपिलवस्तु, उप प्राध्यापक सुरेन्द्र गुप्ता सप्तरी, अखिलेश भार, पुनम झा धनुषा, प्रा. कैलाश महतो महोत्तरी, दिनेश यादव सर्लाही, कवि सजल पर्सा, डा. कृष्णजङ्ग राणा ललितपुर, श्यामानन्द सिंह र मुस्तफा अहतान कुरैसी बाबालाई पनि सम्मान गर्ने जनाएको छ । प्रतिष्ठानको चैत १५ र १६ गते नवलपरासीमा आयोजना हुने तेह्रौँ सम्मेलनको अवसरमा सम्मान प्रदान गर्दैछ ।